हिरवी भाजी मग ती कोणतीही असो, हिरव्या भाज्या या नेहमीच फायदेशीर असतात. आपल्या सर्वांनाच माहित आहे की हिरव्या भाज्यांमध्ये सर्व प्रकारचे जीवनसत्त्वे, खनिजे आणि पोषक तत्वे आढळून येत असतात, जी अनेक गंभीर आजारांशी लढण्यासाठी अत्यंत प्रभावी असतात.
परंतु आज आम्ही तुम्हाला ज्या हिरव्या भाजी बद्दल सांगणार आहोत, ती थोडी खास आहे. विशेषत: आपल्या बहुतेक घरांमध्ये ही भाजी सर्रास पने वापरली जात असल्याने, तसेच लहान मुले असोत की वडीलधारी मंडळी, ही भाजी सर्वांचीच आवडती आहे.
तर आज आम्ही इथे भेंडी बद्दल बोलत आहोत. भेंडी ही अशी भाजी आहे, जी मधुमेहाच्या रुग्णांसाठी खूप फायदेशीर मानली जाते. या भाजीमध्ये कॅलरी आणि फॅट या दोन्हीचे प्रमाण असल्यामुळे मधुमेहासाठी ही भाजी अत्यंत फायदेशीर आहे.
किंबहुना, अनेक अभ्यासांमध्ये असे स्पष्ट पुरावे आहेत की मधुमेहाच्या रुग्णांनी नियमितपणे भेंडीची भाजी खाल्ल्यास ते त्यांच्या रक्तातील साखरेची पातळी वाढण्यापासून रोखण्यासाठी बर्‍याच प्रमाणात फायदेशीर ठरू शकते.
मधुमेहाच्या रुग्णांसाठी भेंडी का फायदेशीर आहे याची दोन मुख्य कारणे आता आपण समजून घेऊया. खरे तर पहिले महत्वाचे कारण म्हणजे भेंडीमध्ये असलेले अघुलनशील आहारातील फायबर, हा मधुमेहासाठी एक चांगला स्रोत आहे, ज्यामुळे शरीरातील साखर बाहेर पडण्यास उशीर होतो आणि भूक देखील नियंत्रित होते, ज्यामुळे शरीरातील कॅलरीजचा भार कमी होतो.
आणि दुसरे महत्वाचे कारण म्हणजे भेंडी आतड्यांमधून साखरेचे शोषण नियंत्रित करते. फायबरसोबत भेंडीमध्ये अँटिऑक्सिडंट्स, व्हिटॅमिन बी6 आणि फोलेट मोठ्या प्रमाणात असतात. भेंडी मधे असणारे हे सर्व घटक रक्तातील साखरेची पातळी नियंत्रित करण्यास आणि मधुमेह न्यूरोपॅथीचा विकास कमी करण्यास मदत करतात. तर दूसरीकडे, भेंडीमध्ये द्रवपदार्थ चांगल्या प्रमाणात असतात आणि कॅलरीज देखील कमी असतात, ज्यामुळे वजन नियंत्रणात राहण्यास अत्यंत मदत होत असते.
त्याचबरोबर हे सुद्धा लक्षात घ्या की भेंडी केवळ मधुमेहावरच नाही तर शरीरासाठी इतरही अनेक प्रकारे फायदेशीर आहे. या सोबतच हे जाणून घेणे ही महत्वाचे आहे की व्हिटॅमिन-ए आणि सी व्यतिरिक्त, भेंडीमध्ये अँटीऑक्सिडंट्स देखील भरपूर असतात, आणि अशा परिस्थितीत, कर्करोग, मधुमेह, स्ट्रोक आणि हृदयविकार यांसारख्या गंभीर आरोग्य परिस्थितींचा धोका कमी करण्यासाठी देखील भेंडी खूप जास्त प्रभावी आहे.
