तसे तर स्वयंपाकघरात मसाले अन्नाची चव आणि सुगंध वाढवण्यासाठी वापरले जातात. सोबतच मसाले आरोग्यासाठी खूप फायदेशीर असतात. यामध्ये औषधी गुणधर्म आढळतात जे शरीरातील अनेक समस्या दूर करण्यास मदत करतात. चला जाणून घेऊया या मसाल्यांचे आरोग्यासाठी होणारे फायदे..
तुमच्या घराच्या स्वयंपाकघरात अनेक प्रकारचे मसाले असतात. प्रत्येक मसाल्याचा रंग आणि दर्जा वेगवेगळा असला तरी ते एकच काम करत असतात ते म्हणजे जेवणाची चव वाढवणे होय. पण, तुम्हाला माहिती आहे का, हे मसाले शरीराच्या अनेक समस्यां दुर करण्यासाठी अत्यंत गुणकारी मानले जातात.
कारण त्यांच्यामध्ये आरोग्याचा खजिना दडलेला आहे. आरोग्याशी संबंधित अनेक समस्यांवर हा रामबाण उपाय आहे. आज आम्ही तुम्हाला या मसाल्यांबद्दल सविस्तर सांगतो.
हळदीचे फायदे
हळदीमध्ये औषधी गुणधर्म आढळतात, जे शरीराच्या अनेक समस्या दूर करण्यात प्रभावी आहेत. याचबरोबर, सर्वात महत्त्वाचे म्हणजे शरीरातील विषारी द्रव्ये बाहेर काढण्यासाठी हे उपयुक्त मानले जातात. यामध्ये अँटी-ऑक्सिडंट गुणधर्म आढळतात, ज्यामुळे सांधे रोगापासून आराम मिळतो.
बडीशेप अनेक समस्यांपासून आराम देते
तसे तर सर्वसाधारणपणे बडीशेप ही श्वासाची दुर्गंधी दूर करण्यासाठी वापरली जाते. मात्र, तुम्हाला माहीत आहे का की, ही छोटी सी बडीशेप अनेक मोठ्या समस्यां दूर करण्यासाठी फायदेशीर मानली जाते. यामध्ये बडीशेप सेवनाने कोलेस्ट्रॉल आणि उच्च रक्तदाब नियंत्रित ठेवण्यास मदत होते.
लवंगाचे सेवन केल्याने पचनशक्ती वाढते
लवंगाचे सेवन पचनासाठी खूप फायदेशीर मानले जाते. याशिवाय दातदुखी दूर करण्यातही हे गुणकारी आहे.
दालचिनी हृदयासाठी फायदेशीर आहे
दालचिनी अन्नाची चव वाढवते आणि अनेक रोगांपासून आराम मिळवून देण्यासाठी प्रभावी आहे. याचे सेवन केल्याने तुम्ही हृदयाशी संबंधित आजारांपासून दूर राहू शकता.
हिंग हा पोषक तत्वांचा खजिना आहे
चवीला रुचकर बनवण्यासोबतच अनेक आजारांवर उपचार करण्यास मदत होते. हिंगामध्ये अँटी-बॅक्टेरियल, अँटी-व्हायरल आणि अँटी-इंफ्लेमेटरी गुणधर्म असतात, जे पचनाच्या समस्या दूर करण्यात मदत करतात.
काळी मिरी
काळी मिरी रोगप्रतिकारक शक्ती सुधारण्यासाठी उपयुक्त आहे. याचे सेवन केल्याने तुम्ही अनेक प्रकारचे संक्रमण टाळू शकता. सर्दी-खोकला किंवा सर्दी असल्यास काळी मिरी खाऊ शकता.
