प्रवासात बाहेरच खाऊन तुमचा पोट खराब होईल, वजन वाढेल आणि मग सुरुवातीला आरोग्याच्या अनेक त्रास होतील. त्यापेक्षा तुम्ही घरचा स्वादिष्ट रुचकर आणि आरोग्यदायी असा नाष्टा करायला शिकायला हवं. जेणेकरून तुमचं आरोग्य आणि आयुष्य दीर्घकाळ टिकेल. जंकफूड खाल्ल्याने अनेकदा लोकांना गॅस आणि ॲसिडिटीचा त्रास होतो. अशा परिस्थितीत हे घरगुती स्नॅक्स तुमच्यासाठी फायदेशीर ठरतील.
प्रवास करताना आपल्या आरोग्याची विशेष काळजी घेणे अत्यंत आवश्यक आहे. विशेषत: प्रवासादरम्यान जागा बदलल्याने पाणी, हवामान आणि खाण्याच्या सवयी बदलतात, ज्यामुळे शरीरात काही गोष्टी बदलू लागतात. याचा सर्वाधिक परिणाम पोटावर म्हणजेच पचनसंस्थेवर होतो. पचनसंस्था पूर्णपणे प्रभावित होते आणि गॅस, मळमळ आणि उलट्या यांसारख्या समस्या उद्भवू लागतात.
अशावेळी प्रवासात कोरडा नाश्ता सोबत ठेवणे गरजेचे आहे. तसेच ज्या गोष्टींमध्ये सहज पचते किंवा गॅस आणि ॲसिडिटी होत नाही अशा गोष्टी ठेवा. असेच हे स्नॅक्स आहेत. जे तुम्ही प्रवासात खाऊ शकता.
केळ्याचे चिप्स
बाजारातून विकत घेतलेल्या इतर चिप्सपेक्षा केळीचे चिप्स जास्त चवदार असतात. ह्या चिप्सची खास गोष्ट म्हणजे त्यात मसाला कमी असतो आणि ते खोबरेल तेलात तळलेले असतात. त्यामुळे ते सहज पचतात आणि त्यामुळे ॲसिडिटी होत नाही. याव्यतिरिक्त, त्यात फायबर देखील चांगलच असतं, ज्यामुळे पाचन तंत्रासाठी उत्तम आहे.
गूळपापडी
गूळपापडी खाण्यातच मजा आहे. ज्यांना वेळोवेळी मिठाईची तल्लफ असते त्यांच्यासाठी गूळपापडी प्रवासात योग्य आहे. म्हणजे हवीच सोबत. गूळपापडी खाल्ल्याने मिठाईची तल्लफ नाहीशी होते. तसेच गूळ असल्यामुळे शरीराला ऊर्जा मिळते. ते सहज पचते आणि तुम्ही खूप जड काही खाल्ले आहे असे तुम्हाला वाटत नाही.
सुके पोहे
सुके पोहे खाण्यात जेवढे स्वादिष्ट, तेवढेच ते आरोग्यासाठीही फायदेशीर आहे. कोरड्या पोह्यांमध्ये तेलाचे प्रमाण कमी असते, दुसरे म्हणजे त्यात कॅलरीज कमी असतात आणि तिसरे म्हणजे त्यात फायबर असते ज्यामुळे पोट भरते. बाकीच्या नमकीनच्या तुलनेत कोरडे पोहे खाल्ले तर ते सहज पचतील, इतर कोणतीच भूक राहणार नाही आणि पोटाचा त्रास होणार नाही.
मेथीचा थेपला
मेथी थेपला हा भारतीयांचा प्रसिद्ध सुका नाश्ता आहे. वाटेत खाणे एक आनंद असतो. हे अगदी मेथीच्या पराठ्यासारखे बनवले जाते पण तुम्ही ते पिठ न करता बनवू शकता. मेथी सहज पचते, पण त्यात मिळणारे मसाले वाटेत मळमळण्याचा त्रास दूर करतात. तसेच हे ठेपले खाल्ल्यास अपचनाचा त्रास होत नाही. त्यामुळे जाताना नक्की बरोबर घेऊन जा आणि खा.
ओवा पापडी
बेसन आणि ओवा बिया एकत्र करून ओवापापडी बनवली जाते. खरतर ते पापडासारखच आहे पण त्यापेक्षा जास्त पौष्टीक आहे. पापडी खाण्याची खास गोष्ट म्हणजे पापडीत ओवा असल्याने सहज पचते. दुसरं म्हणजे खाल्ल्यानंतर तुम्हाला वारंवार भूक लागणार नाही आणि पोटाच्या इतर त्रासांपासूनही सुटका होईल.
तर तुम्हालाही प्रवासात निघताना काय बरोबर द्यावा या प्रवासा आधी काय खावा ज्यामुळे मळमळ उलटी असे त्रास होणार नाही तर प्रवासापूर्वी ह्या सर्व गोष्टी घरी करा आणि वाटेत खा.
