सांध्यांना आलेली सूज कमी करण्यासाठी औषधी वनस्पती गुणकारी ठरतात. त्यांची माहिती आपण आजच्या लेखातून घेऊया. सांधेदुखी आणि सूज खूप वेदनादायक असते. सांध्यांची सूज कमी करण्यासाठी ह्या औषधी वनस्पतींचा आहारात समावेश करा
सांध्याची सूज कमी करण्यासाठी औषधी वनस्पती
हिवाळा येताच घरातील वृद्ध जोडप्यांना सांधेदुखीचा त्रास होतो. कुणाला सांधेदुखीची समस्या असेल तर कुणाला सांध्यांना सूज येण्याची समस्या भेडसावत आहे. वयानंतर सांध्यांना सूज येणे हे नॉर्मल मानलं जातं.
काही वेळा आहार, व्यायाम कमी-जास्त झाला तर यामुळेही सांध्यांना सूज येते. सांधे सुजणे हे नॉर्मल वाटू शकतं. परंतु प्रत्यक्षात ती खूप वेदनादायक असते. सांध्यांना सूज आली असेल तर तुम्हाला तुमच्या आहारात काही विशेष बदल करणे आवश्यक आहे. आहारात बदल करून सांध्यांची सूज तर दूर करता येतेच, पण ती येण्यापासूनही रोखता येते. आज ह्या लेखात आपण सांध्यांना आलेली सूज कमी करणाऱ्या औषधी वनस्पतींबद्दल माहिती घेणार आहोत.
निलगिरी तेल
निलगिरीचे तेल सांधे जळजळ आणि वेदना दोन्हीपासून मुक्त होण्यासाठी खूप उपयुक्त आहे. निलगिरी तेलात अँटीव्हायरल आणि अँटीसेप्टिक गुणधर्म असतात, जे जळजळ आणि वेदनापासून आराम देतात.
सांध्यांना सूज येण्याची समस्या असल्यास निलगिरी तेलाचे ५ ते ६ थेंब घेऊन हातावर मसाज करा. जर तुम्हाला हवे असेल तर तुम्ही आंघोळीच्या पाण्यात निलगिरीचे तेल टाकूनही आंघोळ करू शकता. संधिवात किंवा ऑस्टियोआर्थरायटिस ग्रस्त लोक देखील मसाजसाठी निलगिरी तेल वापरू शकतात.
ओवा
शओवा अतिशय फायदेशीर आणि औषधी आहेत. थाइममध्ये अँटिऑक्सिडंट्स आणि अँटी इन्फ्लमेटरी गुणधर्म असतात. म्हणूनच हे आरोग्यासाठी खूप फायदेशीर असल्याचे सिद्ध होतं. सांध्यांना आलेल्या सुजेपासून आराम मिळवण्यासाठी तुम्ही तुमच्या आहारात ओव्याचा समावेश करू शकता. तुम्ही भाज्या, बटाटे-कांदे, कोबी, अंडी किंवा कोणत्याही डिशमध्ये घालून ओवा किंवा ओव्याची पानं घालून खाऊ शकता.
काळी मिरी
प्रत्येक भारतीय घरात काळी मिरी नेहमीच असते. भाज्या आणि सॅलडची चव वाढवणारी काळी मिरी आरोग्यासाठी खूप फायदेशीर मानली जाते. काळ्या मिरीमध्ये भरपूर प्रमाणात अँटी-मायक्रोबियल, अँटी-इंफ्लेमेटरी गुणधर्म असतात, ज्यामुळे सांधे आणि सूज दूर होण्यास मदत होते. सांधेदुखी आणि सूज या समस्येवर तुम्ही काळ्या मिरीच्या तेलाने मसाज करू शकता. तुम्ही तुमच्या आहारात काळी मिरी खाऊ शकता.
हळद
हळदीशिवाय कोणत्याही भारतीय घरात वरण, आमटी आणि भाज्या बनवण्याची प्रक्रिया पूर्ण होत नाही. जेवणात रंग आणण्यासोबतच हळद अनेक आजारांवर उपचार करण्यासाठीही उपयुक्त ठरते. हळद ही अशीच एक औषधी वनस्पती आहे ज्यामध्ये कर्क्यूमिन आढळते.
कर्क्युमिन सूज आणि वेदना कमी करण्यात मदत करू शकतात. सांध्यांना आलेल्या सुजेच्या त्रासापासून आराम मिळवण्यासाठी तुम्ही हळदीचा आहारात समावेश करू शकता किंवा सूजलेल्या भागावर हळदीची पेस्ट लावू शकता. सांध्यांची सूज कमी करण्यासाठी ह्या गोष्टींचा आहारात नक्की समावेश करा.
