स्ट्रेचिंग एक्सरसाइजमुळे तुमचं शरीर लवचिक तर होईलच, शिवाय इकडे तिकडे अडकलेली अतिरिक्त चरबीही नाहीशी होईल. वजन कमी करणे सोपे करण्यासाठी मेटाबॉलिक स्ट्रेच. जे तुमचं मेटाबॉलीझम वाढवतात. जर तुम्हाला वाटत असेल की स्ट्रेचिंग फक्त स्नायू सैल करण्यासाठी आहे, तर तुम्ही मेटाबॉलिक स्ट्रेचिंगबद्दल ऐकलं नसेल.
मेटाबॉलिक स्ट्रेचिंग म्हणजे काय?
मेटाबॉलिक स्ट्रेचिंग करुन चयापचय वाढवून वजन कमी होतं.आणि स्टॅमिना वाढतो. मेटाबॉलिक स्ट्रेचिंग दुप्पट फायदेशीर आहे. हे केवळ स्नायूंना टोन करत नाही तर चरबी जाळण्यास देखील उपयुक्त आहे. स्पोर्ट्स जर्नल मॅगझिनमध्ये प्रकाशित झालेल्या एका संशोधनानुसार, मोठया वर्कआउट्सपूर्वी मेटाबॉलिक स्ट्रेचिंगमुळे स्टॅमिना वाढतो आणि थकवा कमी होतो.
“स्ट्रेचिंग म्हणजे कमी वर्कआउट्स आणि जास्त परिणाम कारण योग्य स्ट्रेचिंगमुळे तुमचे स्नायू व्यायामाला अधिक प्रतिसाद देतात,” मुंबईस्थित फिटनेस आणि हेल्थ कोच रुचिका राय सांगतात.
वाढलेल्या चरबी कमी करण्यासाठी हे मेटाबॉलिक स्ट्रेच करा
साइड लंज
साइड लंज तुमच्या पायाच्या सर्व स्नायूंसाठी सर्वोत्तम स्ट्रेचपैकी एक आहे, ते ग्लूट्स, आतील मांड्या, वासराचे स्नायू या सर्वांना समान रीतीने टोन करते. बाजूची लंगज तुमच्या मांड्यांचे स्नायू देखील टोन करते.
दोन्ही पाय वेगळे ठेवून उभे रहा. प्रथम उजवा पाय 90 अंश कोनात वाकवा आणि डावा पाय 20 सेकंद ताणा. त्यानंतर डावा पाय त्याच प्रकारे वाकवून उजवा पाय पसरवा. किमान 20 वेळा करा.
बटरफ्लाय पोझ
आतील मांडीची चरबी सहजासहजी कमी होत नाही आणि हे थाई फॅट्स बर्न करण्यासाठी सर्वात जास्त वेळ लागतो. बटरफ्लाय स्ट्रेचमध्ये, मांडीचे सर्व स्नायू सक्रिय असतात आणि चरबी सहजपणे जळते.
बटरफ्लाय पोझ तुमच्या मांडीच्या आतील चरबीवर काम करते. ह्या स्ट्रेचसाठी योगा मॅटवर बसून दोन्ही पायांचे तळवे एकत्र चिकटवा. आता दोन्ही गुडघे फुलपाखरासारखे हलवा. हे किमान एक मिनिट 5 वेळा करा.
अधोमुखी डॉग पोझ
हा स्ट्रेच तुमचे हात, खांदे आणि पाठीसाठी आहे. जितका वेळ तुम्ही ही पोज धराल तितकी जास्त चरबी जाळली जाईल. हे करण्यासाठी गुडघे सरळ करून तळव्यावर बसा आणि नंतर उलटा व्ही बनवण्याचा प्रयत्न करा. डोके आणि हात जमिनीच्या दिशेने ढकला. 15 दीर्घ श्वास घ्या आणि मग ह्या स्थितीतून बाहेर या.
सिटिंग साइड बेंड
ह्या स्ट्रेचसाठी, योगा मॅटवर मांडी घालून बसा. आता उजवा हात उचला आणि डाव्या बाजूला हलवा आणि जास्तीत जास्त स्ट्रेच करा. नंतर उजवीकडे डाव्या हाताने पुनरावृत्ती करा. 15 सेकंदांसाठी दोन्ही बाजू 20 वेळा करा.
ट्रायसेप स्ट्रेच
ट्रायसेप्स स्ट्रेच करणे खूप महत्वाचं आहे, यामुळे केवळ तुमच्या स्नायूंना आराम मिळत नाही तर लटकणारी चरबी सुद्धा कमी होते.
ह्या स्ट्रेचसाठी दोन्ही हात वर करा आणि नंतर एक हात कोपरावर वाकवा आणि दुसऱ्या हाताने हलके दाबा. 20 सेकंद धरून ठेवा आणि नंतर दुसरा हात पसरवा. दोन्ही बाजूंनी किमान ५ ते ६ वेळा करा.
तर मित्रांनो, तुम्ही आता कशाची वाट पाहत आहात, तुमच्या वर्कआउट रुटीनमध्ये ह्या स्ट्रेचचा समावेश करा आणि वजन कमी करा. पण एकदा व्हिडियो पाहून प्रॅक्टिकल शिकून घ्या.
