आपली मान का दुखते? मानदुखी वर करा हे हमखास घरगुती उपाय !

- Advertisement -

ताठ मान ठेवून आपण आयुष्यभर जगत असतो पण तीच मान जेव्हा दुखायला लागते तेव्हा जीव नकोसा होतो. म्हणूनच आजच्या लेखात आपण मान दुखणे ह्यांवर घरगुती उपाय पाहू. त्याचसोबत मान का दुखते किंवा मानदुखीची कारणे पाहू. वेगवेगळ्या कारणांनी आपली मान दुखते पण ह्या घरगुती उपायांनी आराम मिळेल.

मान का दुखते / मानदुखी ची कारणे

मानदुखी

जर तुम्ही बराच काळ ऑफिसमध्ये काम करत असाल किंवा काल रात्री चुकीच्या स्थितीत झोपला असाल तर मान दुखायला लागेल. हे कोणालाही होऊ शकतं. ह्या मानदुखीला सामोरे जाण्यासाठी उपाय असले तरी मानदुखी ही सर्वात त्रासदायक वेदनांपैकी एक आहे हे मात्र खरं.

सांध्याच्या दुखण्यापैकीच सर्वात सामान्य प्रकार म्हणजे मानदुखी. मानेवर दबाव आल्याने साध्या दैनंदिन कामांमुळे सुध्दा मानदुखी होऊ शकते.

मानदुखीची कारणे

- Advertisement -
  1. ग्रीवा स्पॉन्डिलोसिस
  2. झोपण्याची चुकीची स्थिती
  3. मान मुरगळणे, पेटके इ.
  4. ताण घेत असाल तर
  5. किरकोळ अपघात आणि दुखापत

स्वतःला ह्या काही सवयी लावून घरच्या घरी मान दुखणे सहज टाळता येतं.

मानदुखी वर घरगुती उपाय

मानदुखी
  • मानेवर ताण घेणे टाळा : मानेवर दबाव येईल अशा स्थितीत राहू नका. उदाहरणार्थ, मोबाईल फोनकडे पाहत राहणं किंवा संगणकावर खूपवेळ काम करणं. किंवा डोक्यावर जड वजन घेऊनही मान दुखते.
  • योग्य उशी वापरा : अशा उशीवर झोपा जी खूप जास्त मोठी उंच नसेल. ह्याने मान निरोगी स्थितीत राहील आणि मानेच्या वेदना कमी व्हायला मदत होईल.
  • योग्य स्थितीत झोपा : पोटावर झोपू नका कारण ही स्थिती झोपेच्या वेळी मानेची स्थिती मुरडते किंवा फिरवते आणि मानेच्या स्नायूंवर दबाव टाकते. म्हणून एकाच अवस्थेत झोपू नका.
  • जड वजन उचलू नका : खांद्यावर जड पिशव्या वाहून नेल्याने मानेवर ताण येऊ शकतो आणि वेदना होऊ शकते. जड पिशव्या नेण्यासाठी ट्रॉली वापरा किंवा लोकांची मदत घ्या. मानदुखी कमी होण्यासाठी आणखी उपाय
  • आयसोमेट्रिक नेक-स्ट्रेन्थिंग एक्सरसाइज : हा एक व्यायाम आहे. मानेच्या स्नायूंना बळकट करण्यासाठी आणि वेदना कमी करण्यासाठी आयसोमेट्रिक व्यायाम करा. आयसोमेट्रिक व्यायाम काळजीपूर्वक स्थिर स्थितीत केला पाहिजे, कारण स्नायूंच्या लांबीमध्ये कोणतीही हालचाल किंवा बदल होता कामा नये.
  • मानेचा आयसोमेट्रिक्स व्यायाम : कपाळावर तळहाताने दाबा. आपल्या मानेच्या स्नायूंसह त्याचवेळी मान पुढे दाबा. 10 सेकंदांसाठी ठेवा. थांबा. हिच क्रिया 5 वेळा पुन्हा करा.
  • मालिश: वेदनादायक भागावर सौम्य मालिश केल्याने वेदना कमी होते आणि रक्त प्रवाह सुधारतो. पण मानेवर जखम झाली किंवा मुका मार लागला असेल तर मालिश करणे टाळा.
  • धावपळ टाळा : मान पूर्णपणे बरी होईपर्यंत वजन उचलणे किंवा शारीरिक श्रम यासारख्या कठोर शारीरिक हालचाली टाळा. अशा हालचाली करून मानदुखी होऊ शकते.

पण तुम्हाला माहित आहे का की तुम्ही फक्त पाच मिनिटांच्या व्यायामाद्वारे सुध्दा तुम्ही मानेच्या दुखण्यावर उपचार करू शकता? ह्या लेखातून आम्ही मानेच्या दुखण्यापासून मुक्त होण्यासाठी एक सोपा व्यायाम सांगणार आहोत आहोत जो आपण कोणत्याही फिजिओथेरपिस्ट किंवा उपकरणांची गरज न घेता स्वतः करू घरी करू शकता. तरीही डॉक्टरांकडे जाणे हा तुमच्यासाठी चांगला पर्याय आहे.

मानेच्या दुखण्यावर उपचार करण्यासाठी काही शारीरिक व्यायाम

मानदुखी

तुम्ही तुमचा पाठीचा कणा सरळ असलेल्या खुर्चीवर आरामात बसा.

  • तुमचे दोन्ही हात तुमच्या डोक्याच्या खाली ठेवा.
  • आता हळू हळू हनुवटी तुमच्या छातीकडे येऊ द्या.
  • जोपर्यंत तुम्हाला तुमच्या मानेच्या मागच्या भागात ताण जाणवत नाही तोपर्यंत तुमच्या डोकं ताणा.

ह्यासाठी 30 सेकंद लागतील. ह्या व्यायामाने मानदुखी कमी होऊ शकते.

- Advertisement -

मानदुखीचा उपचार कसा केला जातो?

मानदुखी

तुमची मान दुखत असेल आणि तुम्ही डॉक्टरांकडे जाऊन शारीरिक तपासणी कराल तर डॉक्टर तुमचा संपूर्ण वैद्यकीय इतिहास विचारतील. आपल्या डॉक्टरांना आपल्या लक्षणांबद्दल सांगा. त्यांना तुम्ही घेत असलेल्या सर्व प्रिस्क्रिप्शन आणि ओव्हर-द-काउंटर (OTC) औषध आणि इतर त्रासाबद्दल सांगा.

जरी मानदुखीशी संबंधित वाटत नसले तरीही, आपण आपल्या डॉक्टरांना अलीकडील जखमा किंवा अपघातांबद्दल देखील सांगा.

शेवटी मानदुखीचे उपचार निदानावर अवलंबून असतात. तुमच्या डॉक्टरांच्या संपूर्ण इतिहास आणि शारीरिक तपासणी व्यतिरिक्त, तुम्हाला तुमच्या मानदुखीचे कारण निश्चित करण्यात मदत करण्यासाठी खालीलपैकी एक किंवा अधिक इमेजिंग अभ्यास आणि चाचण्यांची आवश्यकता असू शकते:

ह्या सगळ्या टेस्ट करून त्यात काही आढळलं तर, तुमचे डॉक्टर तुम्हाला एखाद्या तज्ञाकडे पाठवू शकतात.

- Advertisement -

मानदुखीच्या उपचारांमध्ये हे उपचार असू शकतात.

  • बर्फ आणि उष्णतेचे उपचार
  • व्यायाम आणि स्ट्रेचिंग, फिजीकल थेरेपी
  • वेदनाशामक औषध
  • कॉर्टिकोस्टेरॉईड इंजेक्शन
  • स्नायू शिथिल करणारी औषधं
  • नेक कॉलर
  • कनेक्टिंग रॉड
  • आपल्याला संसर्ग झाल्यास प्रतिजैविक / antibiotics
  • मेनिंजायटीस/meningitis किंवा हृदयविकाराचा झटका यासारखी स्थिती असल्यास रुग्णालयात उपचार केले जातात.
  • सर्जरी, जी क्वचितच आवश्यक असते

पर्यायी उपचारांमध्ये हे उपचार समाविष्ट आहेत.

मानदुखी
  • एक्यूपंक्चर करतात.
  • कायरोप्रॅक्टिक उपचार
  • मालिश केली जाते.
  • ट्रान्सक्यूटेनियस इलेक्ट्रिकल नर्व स्टिम्युलेशन (TENS)

या पद्धती वापरताना आपण परवानाधारक व्यावसायिकाकडून सेवा घेत असल्याची खात्री करा.

- Advertisement -

Related Posts

Comments

LEAVE A REPLY

Please enter your comment!
Please enter your name here

Recent Stories