विज्ञानापासून आयुर्वेदापर्यंत, ही भाजी सर्वात शक्तिशाली मानली जाते, बरेच रोग ही भाजी खाल्ल्याबरोबर निघून जातात असं बरेच अनुभवी लोक सांगतात. ह्या औषधी गुण असलेल्या भाजीचं नाव आहे पार्सनिप. आजच्या लेखात आपण पार्सनिप ह्या भाजीचे औषधी गुणधर्म, पार्सनिप भाजी खाण्याचे आरोग्य फायदे पाहूया. तसेच ह्या लेखाच्या शेवटी आपण ह्या पार्सनिप फळभाजी पासून चविष्ट आणि पौष्टीक सूप कसं बनवायचं ते देखील शिकूया.
आपल्या रोजच्या आयुष्यात आपण आपली आणि आपल्या कुटुंबीयांची तब्येत ठणठणीत राहावी यासाठी काळजी घेतो. औषधांना आणि डॉक्टरांना पर्याय म्हणून आपण आपल्या रोजच्या पौष्टीक आहाराकडे लक्ष देतो. जर तुम्हीही निरोगी राहण्यासाठी नवनवीन गोष्टी करत असाल आणि जेवणात एखादा पौष्टीक पदार्थ शोधत असाल, जो खाल्ल्याने तुमची आणि तुमच्या कुटुंबीयांची प्रकृती अतिशय उत्तम राहील, तर तुम्ही एकदा पार्सनिप जेवणात वापरू शकता.
चला तर, गाजरा सारख्या दिसणाऱ्या ह्या भाजीच्या जबरदस्त फायद्यांविषयी जाणून घेऊया.
निरोगी राहण्यासाठी विज्ञान आणि आयुर्वेद भाज्या तसंच फळं खाण्याचं समर्थन करतात. आपण दररोज अनेक प्रकारच्या भाज्यांचे खातो. पण खूप कमी लोक असतील ज्यांना पार्सनिप बद्दल माहिती असेल. खरं तर पार्सनीप ही मुळांची भाजी आहे जी गाजर वर्गातली आहे. जमिनीच्या खाली येते जिचा रंग पांढरट असतो. पण त्यात गाजरांपेक्षा बरेच अधिक पोषक घटक असतात.
पार्सनिपची चव काही प्रमाणात गाजर आणि थोडीशी बटाट्यासारखी असते. तसेच, त्याला आतून एक वेगळा सुगंध आहे, जो आपल्याला ओव्याची आठवण करून देऊ शकतो. याशिवाय, फायबर आणि इतर पोषक घटक पार्सनिपमध्ये आढळतात, ज्याचे फायदे आपण आरोग्यावर काही दिवसात पाहू शकता.
रोग प्रतिकारशक्ती वाढवा
पार्सनिप मध्ये व्हिटॅमिन सी देखील भरपूर आहे जे आपली प्रतिकारशक्ती सुधारण्यासाठी कार्य करते. असे म्हटले जाते की दररोज आपल्या आहारामध्ये पार्सनिप समाविष्ट केल्याने वाढत्या वयाबरोबर रोगप्रतिकारक शक्ती वाढू शकते.
हृदय मजबूत राहण्यासाठी
पार्सनिपमध्ये पोटॅशियम आढळते, जे हृदय निरोगी ठेवते. या व्यतिरिक्त, आपल्याला त्यात विद्रव्य फायबर देखील मिळते जे खराब कोलेस्टेरॉल कमी करण्याचे कार्य करते. खराब कोलेस्टेरॉलमुळे हृदयविकाराचा झटका किंवा स्ट्रोकचा धोका कायम राहतो. अशा परिस्थितीत, कोलेस्टेरॉल कमी करून, या समस्यांपासून हृदयाचे रक्षण करण्याचे काम ही भाजी करते.
जन्म दोषांपासून मुक्त व्हा
असे बरेच लोक आहेत जे जन्मापासूनच काही प्रकारचे आरोग्य दोष घेऊन जन्माला येतात. अशा लोकांसाठी पार्सनिप फायदेशीर आहे. खरं तर त्यात फोलेट आहे जे जन्म दोषांपासून मुक्त होण्यास मदत करते. तसेच, जर गर्भधारणेदरम्यान ही भाजी आईने खाल्ली तर बाळाचं अनेक दोषांपासून संरक्षण होऊ शकतं.
पचन शक्ती चांगली होईल
पार्सनिपमध्ये पुरेसे विद्रव्य फायबर आढळते, जे तुमचं पाचन तंत्र दुरुस्त करण्याचे काम करते. दुसरीकडे, तुम्हाला बद्धकोष्ठतेसारखी समस्या असेल तर तुम्ही पार्सनीपची भाजी खाऊ शकता. तसेच पार्सनिप आपल्या शरीरातील पाणी टिकवून ठेवण्यास मदत करते. ही भाजी खाल तर पोट नेहमी साफ राहील. आता लेखाच्या शेवटी आपण पार्सनिपचं सूप कसं करावं हे पाहूया. हे सूप बरेच अनुभवी लोक नियमित पितात आणि प्रकृती एकदम ठणठणीत राहते.
पार्सनिप सूप कृती
- यासाठी प्रथम 4 ते 6 सोललेली पार्सनिप घ्या आणि त्यांना 20 मिनिटे पाण्यात उकळा.
- आता ते थंड होऊ द्या आणि एक गुळगुळीत पेस्ट बनवा.
- यानंतर एक पॅन घ्या आणि त्यात 2 चमचे बटर, 1 टीस्पून तेल, 3 लसणाच्या पाकळ्या आणि एक इंच किसलेले आले घाला.
- यानंतर पार्सनिप ची पेस्ट घाला आणि मंद आचेवर 10 मिनिटे शिजू द्या
- आणि त्यात चवीनुसार मीठ, ओरेगॅनो, चिली फ्लेक्स आणि काळी मिरी घाला आणि 5 मिनिटं शिजवा.
- आता सर्व्ह करताना तुम्ही कोथींबीर घाला. अशा प्रकारे आपलं चविष्ट आणि पौष्टीक पार्सनिप सूप तयार आहे. ते गरमागरम प्या.
आता पाहूया पार्सनिप ची आणखी एक पौष्टीक रेसिपी
- यासाठी प्रथम 4 ते 6 पार्सनिप सोलून 15 मिनिटे उकळा.
- यानंतर अर्धा कप पिठात मीठ, चिली फ्लेक्स आणि ओरेगॅनो घालून मिक्स करा.
- आता त्यात उकडलेले पार्सनिप घाला आणि बुडवून घ्या.
- यानंतर पॅनवर 4 चमचे बटर घालून पार्सनिप गोल्डन ब्राऊन होईपर्यंत तळून घ्या. आणि गरमागरम खा.
तुम्ही जर पार्सनिप आपल्या आहारात खात असाल तर कशाप्रकारे खाता हे कमेंट मधून आम्हाला कळवा. अशी ही विज्ञानापासून आयुर्वेदापर्यंत सर्वमान्य असलेली पौष्टीक जी भाजी सर्वात शक्तिशाली मानली जाते. बरेच रोग खाल्ल्याने निघून जातात.
