पोट सतत खराब असतं कारण आतड्यात मल साचतो. असं का होतं आणि उपाय कोणते आहेत?

पोटात दुखतय, पोटात मळमळ होतेय तर त्यामागे आतड्यात मल गोठलेला असू शकतो. कसं ओळखायचं आतड्यात मल गोठला आहे. त्यावर उपाय कोणते आहेत? ह्या लेखात वाचा कारण हा काही साधा त्रास नाही.

आतड्यात मल गोठल्यावर दिसतात ही 5 लक्षणे, जाणून घ्या त्याची कारणे आणि अचूक उपाय

आतड्यांमध्ये मल का जमा होतो?

आतड्यांमध्ये होणारा हा त्रास गॅस्ट्रोइंटेस्टाइनल आहे. यामध्ये जे अन्न पचते ते लहान किंवा मोठ्या आतड्यातून जाऊ शकत नाही. ही एक सामान्य परंतु गंभीर स्थिती आहे. आतड्यांत मल गोठणे हे वय, जीवनशैली किंवा पोटाच्या शस्त्रक्रियेच्या इतिहासावर अवलंबून असतं. मुलांमध्ये जर आतड्यात मल साचून त्रास होतोय तर आतड्यांमध्ये जन्मजात विकृती असण्याची शक्यता आहे.

आतड्यांमध्ये मल जमा होण्याची लक्षणे

• पोटदुखी
• मळमळ आणि उलट्या
• थकवा आणि अशक्तपणा
• आतड्यांसंबंधी हालचाली दरम्यान वेदना
• आतड्याच्या हालचालींमध्ये त्रास होणे

आतड्यांमध्ये मल जमा होण्याचं कारण काय?

• आतड्यांमध्ये मल जमा होणे हे तुमच्या वयावर अवलंबून असू शकतं,तसेच, ज्या लोकांना पोटाशी संबंधित समस्या आहेत, त्यांना आतड्यांसंबंधी अडथळ्याची समस्या देखील दिसू शकते. आतड्यांमध्ये मल जमा होण्याची कारणे जाणून घेऊया.
• प्रौढांमध्ये, जुनी शस्त्रक्रिया, हर्नियामुळे आतड्यांत मल जमा होऊ शकतो.
• लहान मुलांमध्ये आतड्यांत मल साचण्याचं सामान्य कारण म्हणजे आतड्यांमधील जन्मजात विकृती.
• जे लोक जास्त फास्ट फूड, जंक फूड खातात त्यांच्यामुळेही आतड्यात अडथळा निर्माण होतो. फास्ट फूडमध्ये फायबर अजिबात नसते, जे आतड्यांना चिकटते. बराच वेळ बाहेर पडत नाही.
• आहारात फायबरची कमतरता हे देखील आतड्यांमध्ये मल चिकटण्याचे एक कारण आहे. कारण आतडे स्वच्छ करण्यासाठी फायबर युक्त आहार घेणे आवश्यक आहे. फायबर आतडे स्वच्छ करते, आतड्याची हालचाल सुलभ करते.
• आतडी निरोगी ठेवण्यासाठी व्यायामही आवश्यक आहे. जे लोक शारीरिकदृष्ट्या सक्रिय नसतात, ते अनेकदा आतड्यांमध्ये मल जमा झाल्याने पोटाची तक्रार करतात. व्यायाम केल्याने आतडी चांगली स्वच्छ होतात.
• आतडे निरोगी ठेवण्यासाठी पाणी पिणे देखील आवश्यक आहे. जे लोक पाणी पितात, त्यांना मलप्रवृत्तीचा त्रास होत नाही, तर जे लोक पाणी पीत नाहीत त्यांच्या आतड्यांमध्ये मल चिकटून राहतो.

आतड्यांमध्ये मल जमा होऊ नये यासाठी उपाय

आतड्यांत मल साचने वैद्यकीय आपत्कालीन परिस्थितींपैकी एक मानला जातो. त्यामुळे रुग्णाने त्याच्या लक्षणांबद्दल जागरुक असलं पाहिजे आणि ही लक्षणे दिसू लागताच डॉक्टरांचा सल्ला घ्यावा. रोजच्या जगण्यात काही बदल करुन ह्या समस्येपासून सुटका करुन घेऊ शकता.

पातळ आहार घ्या. दिवसभरात 8-10 ग्लास पाणी प्या. तसेच फळांचे रस, भाज्यांचे रस यांचा आहारात समावेश करा. नारळ पाणी पिणे हा देखील एक चांगला पर्याय आहे. तुमच्या आहारात उच्च फायबरयुक्त पदार्थांचा समावेश करा. फायबर आतड्यांमधून मल प्रभावीपणे जाण्यास मदत करते. त्यामुळे आतड्याची हालचाल करण्याची प्रक्रियाही सुलभ होते.

फास्ट फूड, जंक फूडपासून दूर राहा. तळलेले पदार्थ खाणं टाळा. यामुळे पोटात जळजळ आणि ऍसिडिटी होऊ शकते. पूर्वीच्या ओटीपोटात शस्त्रक्रिया झालेल्या रुग्णांनी डॉक्टरांच्या संपर्कात राहावे. पोटदुखी, बद्धकोष्ठता दीर्घकाळ होत असेल तर डॉक्टरांचा सल्ला अवश्य घ्या.