हार्ट अटॅकपूर्वी तुमच्या शरीराला मिळत असतात हे संकेत, त्याकडे दुर्लक्ष करणे पडेल महागात..

सध्याच्या धावपळीच्या जीवनात हृदयविकाराच्या समस्या दिवसेंदिवस वाढतच जात आहे. कारण हार्ट अटॅक ही अशी समस्या आहे, जी एकेकाळी 60 वर्षांपेक्षा जास्त वयाच्या लोकांसाठी एक आजार मानली जात होती. मात्र सध्या बदललेल्या जीवनशैलीमुळे आता 25 ते 30 वयोगटातील तरुणांनाही हृदयविकाराच्या झटक्याचा सामना करावा लागत आहे.

तसेच यातील बहुतांश हृदयविकाराच्या घटनांमध्ये तरुणांना आपला जीव गमवावा लागतो, म्हणूनच हृदयविकाराचा झटका येण्यापूर्वी कोणत्या प्रकारचे संकेत मिळत असतात आणि हार्ट अटॅक आल्यानंतर लगेच काय केले पाहिजे हि माहिती आम्ही देणार आहोत.

हृदयविकाराची समस्या ही सर्वसाधारणपणे आपल्या हृदयविकाराच्या झटक्यामुळे हृदयाच्या एका भागाला होणारा रक्तपुरवठा खंडित झाल्यास किंवा या भागाला पुरेसे रक्त न मिळाल्यास उद्भवत असल्याचे सांगितले जाते. जेव्हा रक्तप्रवाह बराच काळ खंडित होतो तेव्हा हृदयाच्या स्नायूंना इजा होऊ लागते.

त्यामुळे हृदयविकाराची स्थिती निर्माण होते. हृदयविकाराचा झटका येण्याचे मुख्य कारण कोरोनरी आर्टरी डिसीज असल्याचे मानले जाते. याशिवाय अतिशय तीव्र वेदनांमुळे झटका येण्याची समस्याही असते. तथापि, यामुळे हृदयविकाराच्या झटक्यांचे प्रमाण खूपच कमी आहे. हृदयाच्या धमन्या अचानक अरुंद झाल्यामुळे देखील हृदयविकाराचा झटका येऊ शकतो. कारण असे झाल्यावर हृदयाच्या स्नायूंमध्ये रक्तप्रवाह थांबतो.

यामध्ये बहुतेक हृदयविकाराच्या झटक्यांपूर्वी छातीत दुखणे आणि अस्वस्थता किंवा शरीरात उष्णता वाढत असल्याचे दिसून येते. या दरम्यान, छातीच्या मध्यभागी किंवा विरुद्ध बाजूला खूप जडपणा, सूज येणे आणि वेदना जाणवते. हृदयविकाराच्या झटक्यापूर्वी अशक्तपणा आणि चक्कर येण्याची समस्या असू शकते किंवा घाम येणे सारखी लक्षणे दिसू शकतात. जबडा, मान आणि पाठीत एकाच वेळी वेदना किंवा अस्वस्थता जाणवू शकते. 

तसेच धाप लागणे, नीट श्वास घेता न येणे आणि लहान श्वास घेणे अशी स्थिती असू शकते. सहसा छातीत दुखण्यासोबत श्वास घेण्यास त्रास होतो. याचबरोबर, कोणत्याही कारणाशिवाय खूप थकवा जाणवणे, मळमळ आणि उलट्या होणे ही देखील हृदयविकाराच्या झटक्यापूर्वी लक्षणे दिसतात. ही लक्षणे सहसा महिलांमध्ये दिसून येतात. तसेच जेव्हा कोलेस्टेरॉलमुळे हृदयाच्या धमन्या बंद होतात किंवा अरुंद होतात.

तेव्हा हृदयाला जास्त काम करावे लागते, ज्यामुळे लवकरच थकवा येतो. अशा परिस्थितीत, रात्री पुरेशी झोप घेतल्यानंतरही अनेक वेळा तुम्हाला सुस्ती आणि थकवा जाणवतो आणि दिवसाही झोपेची किंवा विश्रांतीची गरज भासते. जेव्हा शरीराच्या सर्व अंतर्गत अवयवांना रक्त पोहोचवण्यासाठी हृदयाला अधिक मेहनत करावी लागते तेव्हा रक्तवाहिन्यांना सूज येते आणि सूज येण्याची शक्यता वाढते. 

त्यामुळे त्याचा परिणाम विशेषतः पायाची बोटे, गोट्या आणि पायांच्या इतर भागांमध्ये सूज येण्याच्या स्वरूपात दिसून येतो. यात काहीवेळा ओठांच्या पृष्ठभागावर निळसर रंगाचा समावेश होतो. तसेच सर्दी किंवा त्याच्याशी संबंधित लक्षणे दीर्घकाळ राहणे हे देखील हृदयविकाराचा झटका सूचित करते. जेव्हा हृदय शरीराच्या अंतर्गत अवयवांमध्ये रक्तपुरवठा करण्यासाठी कठोर परिश्रम करते तेव्हा फुफ्फुसांमध्ये रक्त वाहण्याची शक्यता वाढते. हिवाळ्यात कफासह पांढरा किंवा गुलाबी रंगाचा श्लेष्मा फुफ्फुसात रक्त स्राव झाल्यामुळे असू शकतो.

याचबरोबर, जेव्हा तुमचे हृदय कमकुवत होते, तेव्हा त्यातून रक्ताभिसरण देखील मर्यादित होते. मग अशा स्थितीत मेंदूमध्ये आवश्यकतेनुसार ऑक्सिजन पोहोचत नाही, त्यामुळे सतत चक्कर येणे किंवा डोके दुखणे अशा समस्या उद्भवू लागतात. हृदयविकाराच्या झटक्यासाठी हे एक गंभीर लक्षण आहे, ज्याकडे आपण त्वरित लक्ष दिले पाहिजे. तसेच जर तुम्हाला श्वासोच्छवासात कोणत्याही प्रकारचा बदल किंवा कमी जाणवत असेल तर ते देखील हृदयविकाराच्या झटक्याचे लक्षण असू शकते. 

जेव्हा हृदय त्याचे कार्य योग्यरित्या करू शकत नाही, तेव्हा फुफ्फुसांना आवश्यक प्रमाणात ऑक्सिजन मिळत नाही. त्यामुळे श्वास घेण्यास त्रास होतो. जर तुमच्यासोबतही असेच घडत असेल तर उशीर न करता डॉक्टरांना भेटा.

Related Posts

Comments

LEAVE A REPLY

Please enter your comment!
Please enter your name here

Recent Stories