तुमची जीभ स्वच्छ असेल तरच तुम्हाला फ्रेश वाटेल. असं का? हे समजून घ्या. 

कधीतरी तुम्ही तुमची जीभ आरशात पाहिलीय का? तुमची अस्वच्छ जीभ हे गॅस आणि अपचनाचं कारण आहे का? तुमची जीभ स्वच्छ करण्याची ही महत्त्वाची कारणे आहेत.

मित्रांनो, तोंड स्वच्छ करण्यासाठी आपण रोज ब्रश करतो, पण जीभ स्वच्छ ठेवण्याकडे तितकंच लक्ष देता येते का, जाणून घ्या जीभ स्वच्छ ठेवणं हे याहूनही महत्त्वाचं का आहे?

जिवाणू काढून टाकण्यासाठी जीभ स्वच्छ करावी. 

तोंडाच्या आरोग्याचा विचार केला तर बहुतेक लोक दोनदा ब्रश करण्याचा आग्रह धरतात. ब्रश केल्याने दातांमध्ये प्लेक जमा होत नाही आणि दातांमध्ये पोकळी निर्माण होत नाही. पण हे पुरेसं नाही. तुमच्या तोंडात बॅक्टेरियाचा आणखी एक स्रोत आहे आणि तो म्हणजे तुमची जीभ. जीभ स्वच्छ करणे हे ब्रश करण्याइतकंच महत्त्वाचं आहे.

घाणेरडी जीभ हे श्वासाच्या दुर्गंधीचं कारण आहे

पुदिना आणि च्युइंगमचा आधार घेतल्यावरही तोंडाला दुर्गंधी येत असल्याचे अनेकदा तुम्हाला जाणवेल. खरे तर श्वासाच्या दुर्गंधीचे मुख्य कारण म्हणजे जिभेवर असलेले बॅक्टेरिया. 2004 च्या एका अभ्यासानुसार, तोंडाच्या आरोग्यासाठी जीभ स्वच्छ करणे खूप महत्वाचे आहे. तुमच्या जिभेवर दातांपेक्षा जास्त बॅक्टेरिया राहतात आणि अनेक दिवस साफ न केल्यास श्वासाची दुर्गंधी येते.

जीभेच्या रंगाने फरक पडतो

तुमच्या जिभेच्या दिसण्या बद्दल बोलत आहोत. जर जीभेचा रंग हलका गुलाबी असेल तर तो आरोग्यदायी आहे. पण जर जिभेवर थोडासा पांढरा लेप असेल तर त्याला साफसफाईची गरज आहे. तुमची जीभ पाहून तुम्हाला कधी साफसफाईची नितांत गरज आहे हे तुम्ही सांगू शकता. तसंही दंतचिकित्सक दररोज दोनदा ब्रश करण्याबरोबरच जीभ स्वच्छ करा असं सांगतात. 

स्वच्छ जीभ तोंडाचं आरोग्य सुधारते

जीभ घाण असेल तर तिच्यावर असलेले बॅक्टेरिया संपूर्ण तोंडात पसरू शकतात. त्यामुळे दात आणि हिरड्या कुजतात. म्हणूनच संपूर्ण तोंडाच्या आरोग्यासाठी जीभ स्वच्छ करणे खूप महत्वाचं आहे.

जीभ घाण असल्यास अपचन होऊ शकतं

घाणेरडी जीभ केवळ तोंडासाठीच नाही तर संपूर्ण शरीरासाठी अपायकारक आहे. तुमच्या जिभेवर बॅक्टेरिया असल्यास हे बॅक्टेरिया अन्नासोबत तुमच्या पोटात प्रवेश करू शकतात आणि अपचन आणि गॅस सारख्या अनेक आजार निर्माण करतात.

स्वच्छ जिभेने चव चांगली समजेल 

जर तुम्हाला चव सौम्य किंवा अन्न बेचव वाटत असेल तर ते तुमच्या कमकुवत टेस्ट बड्स मुळे असू शकतं.  जीभ दिवसातून दोनदा घासल्याने टेस्ट बडस् वाढतात. ज्याने तुम्हाला जेवणाची चव समजते. 

तर आजपासून जीभ स्वच्छ ठेवा. कारण तुमच्या तोंडाच्या आरोग्यावर तुमच्या संपूर्ण शरीरावर परिणाम होतो, त्यामुळे तुमच्या तोंडाच्या स्वच्छतेची काळजी घ्या. जर तुमची जीभ स्वच्छ असेल तरच तुम्हाला फ्रेश वाटेल.

Related Posts

Comments

LEAVE A REPLY

Please enter your comment!
Please enter your name here

Recent Stories