हिवाळ्यात तसेच उन्हाळ्यात गुळ खाता येतो पण वेगळ्या पद्धतीने, जेणेकरून शरीराचं तापमान सामान्य राहतं आणि उष्णतेचा त्रास होत नाही. उन्हाळ्यात गूळ खाल्ल्याने मिळू शकतात हे 5 फायदे, जाणून घ्या त्याचा आहारात कसा समावेश करावा. गुळात भरपूर पोषक तत्व असतात, त्यामुळे तो एकंदर आरोग्यासाठी फायदेशीर मानला जातो. हिवाळ्यात अनेकदा गूळ खाण्याचा सल्ला दिला जातो.
पण उन्हाळ्यात गूळ खाऊ नये असं म्हणतात, कारण गुळाचा प्रभाव उष्ण असतो. आणि उन्हाळ्यात गूळ खाल्ल्याने शरीराला त्रास होतो. पण तुम्हाला हवं असल्यास गुळाचं तापमान सामान्य करून तुम्ही उन्हाळ्यातही गूळ खाऊ शकता. उन्हाळ्यातही गूळ खाणे फायदेशीर आहे. चला तर मग जाणून घेऊया उन्हाळ्यात गूळ कसा खावा आणि गूळ खाण्याचे काय फायदे आहेत.
उन्हाळ्यात गूळ कसा खावा
गुळाचा प्रभाव खूप उष्ण असतो, म्हणून उन्हाळ्यात गूळ खाणं टाळण्याचा सल्ला दिला जातो. यामुळे नाकातून रक्तस्त्राव होऊ शकतो. पण उन्हाळ्यात गुळाचं तापमान नॉर्मल करुन खाल्ला तर काही त्रास होणार नाही.
उन्हाळ्यात गूळ खाण्यासाठी रात्री एक ग्लास पाण्यात गुळाचा तुकडा मिसळा. हे पाणी सकाळी प्या. असे केल्याने, गुळाचा प्रभाव सामान्य होतो, म्हणून उन्हाळ्यात सहज खाता येतो.
उन्हाळ्यात गुळ खाण्याचे फायदे
1. लोहाच्या कमतरतेसाठी गूळ
उन्हाळ्यात गूळ खाल्ल्याने रक्ताची कमतरता भरून काढता येते. गुळामध्ये लोहाचे प्रमाण चांगले असते, त्याच्या नियमित सेवनाने पुरेसे लोह मिळते. शरीरातील हिमोग्लोबिनची पातळी वाढते. जर तुम्हाला ॲनिमिया असेल तर उन्हाळ्यातही गुळ खाणे फायदेशीर आहे.
2. पचनासाठी गूळ
उन्हाळ्यात पचनक्रिया मंदावते, त्यामुळे पचनाशी संबंधित अनेक समस्यांना तोंड द्यावे लागते. गुळामध्ये पाचक एन्झाईम्स असतात, जे अन्न पचण्यास मदत करतात. ज्यांना बद्धकोष्ठता, गॅसची समस्या आहे त्यांच्यासाठी गूळ खाणे खूप फायदेशीर ठरू शकते.
3. वजन कमी करण्यासाठी गूळ
सकाळी रिकाम्या पोटी गुळाचे पाणी प्यायल्यानेही वजन कमी होण्यास मदत होते. गुळातील घटकांमुळे पोट भरल्यासारखे वाटते, त्यामुळे भूक लागत नाही आणि वजन नियंत्रणात राहते. गुळाचे पाणी प्यायल्याने अतिरिक्त चरबी कमी होण्यास मदत होते.
4. गूळ रोगप्रतिकार शक्ती वाढवतो
ऋतू कोणताही असो, रोगांशी लढण्यासाठी रोगप्रतिकारक शक्ती मजबूत असणे अत्यंत आवश्यक असते. जरी हिवाळ्यात सर्दी होणं सामान्य आहे, परंतु काही लोकांमध्ये त्याचा त्रास उन्हाळ्यात देखील दिसून येते. अशावेळी गूळ खाणे फायदेशीर ठरू शकते. गुळामध्ये अँटिऑक्सिडेंट असतात, जे शरीराला फ्री रॅडिकल्समुळे होणाऱ्या नुकसानापासून वाचवतात.
5. बॉडी डिटॉक्स करा
गूळ शरीराला डिटॉक्स करण्यासाठी देखील प्रभावी मानला जातो. रोज सकाळी रिकाम्या पोटी गुळाचे पाणी प्यायल्याने शरीरातील विषारी पदार्थ बाहेर टाकण्यास मदत होते. गूळ देखील साफ करणारे घटक म्हणून काम करतो. त्यामुळे तुमचे शरीर डिटॉक्स करण्यासाठी तुम्ही काही दिवस गुळाचे पाणी पिऊ शकता.
गुळाचे आरोग्य फायदे आहेत भरपूर
जर तुम्हाला कोणतीही गंभीर आरोग्य समस्या नसेल तर तुम्ही गूळ रात्रभर पाण्यात भिजवून सकाळी खाऊ शकता. यामुळे गुळाचा परिणाम सामान्य होतो आणि उष्णता निर्माण होत नाही. पण जर तुम्हाला पित्त प्रकृती असेल किंवा तुम्हाला गुळाची ॲलर्जी असेल तर गूळ खाणे टाळा.