फळांच्या सालींसह त्वचेची काळजी घेण्यासाठी जबरदस्त घरगुती उपाय….!

फळे आपल्या आरोग्यासाठी फायदेशीर असतात, तर त्यांची साल आपल्या त्वचेच्या आरोग्यासाठी फायदेशीर असते. अशी अनेक फळे आहेत ज्यांच्या सालींमध्ये अँटिऑक्सिडेंट, अँटी-एलर्जिक आणि अँटी-इंफ्लेमेटरी गुणधर्म असतात. त्यांच्या मदतीने त्वचेला पोषण प्रदान करता येते.

जेव्हा सौंदर्य आणि त्वचेची गोष्ट येते त्यावेळी आपण अनेकदा घरी काही उपाय करून बघतो जेणेकरुन आपल्याला कोणत्याही रसायनांचा वापर न करता नैसर्गिक पद्धतीने निरोगी आणि सुंदर त्वचा मिळू शकेल.  हजारो वर्षांपासून लोकांना त्यांच्या सौंदर्याची रहस्ये ही त्यांच्या स्वयंपाकघरातच सापडली आहेत.

आपल्या आजीच्या बटव्यात डाळी, तांदळाचे पीठ, बेसन, बाजरी, हळद, दालचिनी, भाज्या, फळे यांच्याबरोबर त्वचा सुधारण्यासाठी रेसिपी लपलेल्या आहेत. संत्री, केळी, लिंबू, आंबा, टोमॅटो, पपई ही काही फळांची नावे आहेत ज्यांच्या सालीचा वापर तुमच्या त्वचेची काळजी घेण्यासाठी केला जाऊ शकतो. या लेखात आम्ही अशाच काही सालींचे रहस्य सांगणार आहोत, ज्याचा वापर केल्याने त्वचा तर निरोगी होईलच शिवाय मुलायम आणि सुंदरही होईल.

संत्र्याची साल :

4

संत्र्याच्या सालीमध्ये व्हिटॅमिन सी आणि अँटीऑक्सिडंट्स असतात. घरीच संत्र्याच्या सालीचा फेस मास्क तयार करून तुम्ही त्वचा चमकदार करू शकता. यासाठी सर्वप्रथम संत्र्याची साले उन्हात वाळवून त्याची पावडर बनवा. 1-2 चमचे वाळलेल्या संत्र्याच्या सालीची पावडर घ्या आणि त्यात थोडा मध आणि चिमूटभर हळद घाला. नीट मिक्स केल्यानंतर ही पेस्ट चेहऱ्यावर लावा. ते धुण्यापूर्वी 10 ते 15 मिनिटे तसेच राहू द्या. यामुळे त्वचा एक्सफोलिएट होते आणि मृत पेशी निघून जातात.

- Advertisement -

केळीची साल :

3

केळी हे खाण्यासाठी खूप फायदेशीर फळ आहे, त्याचप्रमाणे त्याची साल त्वचेसाठीही फायदेशीर आहे. केळीच्या सालीमध्ये नैसर्गिक अँटिऑक्सिडंट्स आणि व्हिटॅमिन सी असते जे त्वचेच्या समस्या, मुरुम आणि सूर्यप्रकाशात दीर्घकाळ राहिल्यामुळे त्वचेच्या इतर समस्यांवर उपचार करण्यास मदत करतात. केळीची साल कीटक चावल्यामुळे होणारी जळजळ किंवा पुरळ शांत करू शकते. केळीच्या सालीचा एक छोटा तुकडा घ्या आणि चेहरा आणि मानेवर हळूवारपणे चोळा. ते धुण्यापूर्वी 10 ते 15 मिनिटे तसेच राहू द्या.

आंब्याची साल:

5

आंब्याच्या सालीमध्ये अँटिऑक्सिडंट्स असतात, ज्यात दाहक-विरोधी गुणधर्म असतात.  आंब्याची साले फ्रीजमध्ये ठेवा आणि थंड करा. काही वेळाने त्यांना बाहेर काढा आणि डोळ्यांवर ठेवा. काही वेळाने काढा आणि डोळे धुवा. असे केल्याने थकलेल्या डोळ्यांना आराम मिळेल. याशिवाय आंब्याची साल चेहऱ्यावर हलक्या हातांनी चोळा. ते धुण्यापूर्वी 10 ते 15 मिनिटे तसेच राहू द्या.

- Advertisement -

Related Posts

Comments

LEAVE A REPLY

Please enter your comment!
Please enter your name here

Recent Stories