हात कोरडे झाले आहेत, मग थंडीच्या दिवसात घरीच बनवू शकता हँड क्रीम, जाणून घ्या पद्धत आणि फायदे. मित्रांनो, थंडीच्या दिवसात घसरलेल्या तापमानाचा परिणाम त्वचेवर होतो, त्वचेत कोरडेपणा येऊ लागतो. तुमचे कोमल हात देखील कोरडे आणि निर्जीव दिसू लागतात, काही लोकांना थंडीच्या दिवसात हातांना खाज सुटल्याने लालसरपणाची समस्या देखील सुरू होते.
ही समस्या टाळण्यासाठी हँड क्रीमचा वापर करावा, पण बाजारात उपलब्ध हँड क्रीममध्ये अनेक केमिकल आहेत, ज्यामुळे त्वचा आणखी कोरडी होऊ शकते. मऊ आणि निरोगी हातांसाठी, आपण घरी हँड क्रीम तयार करू शकता, पद्धत खूप सोपी आहे, ज्याबद्दल आपण ह्या लेखातून जाणून घेऊ.
होममेड हँड क्रीम घरी कसं बनवायचं?
आपल्या सेन्सिटिव्ह स्कीन साठी बनवू घरच्या घरी क्रीम
- बदाम तेल
- शिया बटर
- मेण
- इसेंशियल ऑईल
बनवण्याची कृती
- होममेड हँड क्रीम बनवण्यासाठी मेण वितळवा.
- मेणामध्ये इसेंशियल ऑईल चे दोन ते तीन थेंब घाला.
- शिया बटर आणि बदाम तेल एकत्र करा आणि वितळत नाही तोपर्यंत मिसळा.
- आता मिश्रण थंड होऊ द्या आणि त्यात एलोवेरा जेल घाला.
- आता हा पातळ द्रव सुकून घट्ट होईपर्यंत बरणीत काढा.
- आता तुम्ही क्रीम वापरू शकता, हे क्रीम हवाबंद डब्यात साठवा. आहे की नाही सोपं आणि केमिकल फ्री.
आपण होममेड हँड क्रीम किती काळ वापरू शकतो?
तुम्ही एका महिन्यासाठी होममेड हँड क्रीम वापरू शकता, परंतु तुम्ही ते त्यापेक्षा जास्त काळ वापरू नये. याशिवाय अनेक लोक घरगुती उत्पादने बनवताना त्यात सुगंध घालतात, परंतु हे केल्याने तुमच्या त्वचेला होममेड क्रीमचा पूर्ण फायदा होणार नाही, त्यामुळे तुम्ही कृत्रिम सुगंधाऐवजी चंदनाचा वापर करू शकता.
होममेड हँड क्रीम वापरण्याचे फायदे
शिया बटरपासून बनवलेली हँड क्रीम लावल्याने कोरड्या त्वचेची समस्या दूर होऊन हात मऊ होतील. थंडीच्या दिवसात हाताला लालसरपणा आणि खाज येण्याची समस्या असेल तर शिया बटरपासून बनवलेली हँड क्रीम लावल्यास ती दूर होईल.
काही लोकांचे हात इतके कोरडे होतात की त्यातून रक्त यायला सुरुवात होते, जर हा त्रास तुम्हालाही होत असेल तर घरगुती क्रीम फायदेशीर आहे कारण त्यात कोरफडचे ॲलोवेरा जेल असते, जे त्वचेच्या आजारांची समस्या दूर करते.
शिया बटरमध्ये अँटी-एजिंग गुणधर्म असतात, जर तुम्ही त्यापासून बनवलेले हँड क्रीम लावले तर तुमच्या हातावर सुरकुत्या किंवा गडद ठिपके कमी झालेले दिसतील.
होममेड हँड क्रीम कसं साठवावं ?
आपण रूम टेंप्रेचरवर हँड क्रीम देखील ठेवू शकता, परंतु आपण ते जास्त काळ वापरणे टाळा. जर तुम्ही हँड क्रीम रेफ्रिजरेटरमध्ये साठवत असाल तर ते हवाबंद डब्यात ठेवा जेणेकरून क्रीम खराब होणार नाही. एकावेळी जास्त क्रीम न बनवण्याचा प्रयत्न करा, नाहीतर क्रीम खराब होण्याचा किंवा दूषित होण्याचा धोका असतो.
क्रीममध्ये धुळीचा थोडासा कणही दिसला तर त्याचा वापर करू नका. कोरड्या हातांसाठी बनवलेलं हे हँड क्रीम इतर त्वचेच्या अनेक आजारावर फायदेशीर आहे आणि त्यातील नैसर्गिक घटकांच्या वापरामुळे तुम्हाला ऍलर्जीची भीती वाटणार नाही, परंतु जर तुम्हाला त्वचेच्या कोणत्याही मोठया आजाराने ग्रासलेलं असेल, तर हँड क्रीम वापरताना डॉक्टरांचा सल्ला.
