सकाळी लवकर उठून कामांना सुरुवात केली आणि रात्री लवकर झोपलो तर आपला आरोग्य चांगलं राहतं असं आपण ऐकत आलेले आहोत. पण काय करु? बर्‍याच प्रयत्नांनंतरही, तुम्हाला सकाळी लवकर उठण्यास त्रास होतो, म्हणून आजपासूनच हे अनुभवी प्रयत्न तुम्हाला सकाळी लवकर उठायला मदत करतील.
तुम्हालाही सकाळी लवकर उठण्याचा त्रास होतो का?
बऱ्याच लोकांना हा त्रास असतो की सकाळी लवकर उठायचं कसं? आपल्याला मनापासून सकाळी लवकर उठायची इच्छा असते. तुम्हालाही आठवत असेल परीक्षेच्या वेळी शाळेच्या दिवसात सकाळी लवकर उठण्यात अडचण, मॉर्निंग सिकनेस, डोकेदुखी आणि दिवसभर झोप येत राहते अशा गोंधळात दिवस जातो.
सकाळी लवकर उठण्यासाठी काय करायचं?
यासाठी काही लोकांनी सकाळी लवकर उठण्यासाठी वापरलेल्या अनुभवी पद्धती तुम्ही केल्या पाहिजेत. यापैकी काही पद्धती मदत करतील आणि कालांतराने बदल होईल. आणि एक दिवस असा येईल की सकाळी लवकर उठण्यात तुम्ही स्वतः सुरूवात कराल आणि नेहमी लवकर उठावं असंच सर्वांना सांगत राहील.
सकाळी लवकर उठण्यासाठी बऱ्याच लोकांना ट्रिक्सनी मदत केली आहे. तुम्हीही त्या वापरून पहा आणि सांगा की या पद्धतींमुळे तुमची उशीरा उठण्याची सवय बदलली की नाही.
ब्रेन एक्सरसाइज करा
अनेकांना अतिविचार करण्याची सवय असते. अतिविचारामुळे त्यांना वेळेवर झोप येत नाही आणि सकाळी उठण्यास त्रास होतो. जर तुम्हालाही ही समस्या असेल तर तुम्ही तुमच्या मेंदूचा व्यायाम करा.
दिवे बंद करून वेळेवर झोपा आणि तुमच्या मनात उलट आकडे मोजायला करा. काउंटडाउन किंवा मेंढ्या मोजणे जसे आपण लहानपणी करायचो. पुनरावृत्ती आणि लय यामुळे झोप यायला मदत होते. अशा प्रकारे तुम्ही वेळेवर झोपाल आणि सकाळी लवकर उठू शकाल.
संध्याकाळी चाला
जर पहिली पद्धत काम करत नसेल तर मी देखील या पद्धतीची मदत घेतो. ज्यांना सकाळी लवकर उठता येत नाही अशा बहुतेकांना उशिरा झोप येते आणि झोप न मिळाल्याने त्यांचे डोळे सकाळी लवकर उघडत नाहीत. उशिरा झोपण्याचे कारण म्हणजे शरीराला थकवा जाणवत नाही. सर्वोत्तम झोप तेव्हाच येते जेव्हा आपले शरीर मानसिक किंवा शारीरिक थकलेले असते.
ऑफिसला जाणारे कामगार किंवा वसतिगृहातील मुलं ज्यांना शारीरिक व्यायाम ज्यांना करता येत नाही त्यांनी संध्याकाळी फिरायला जावं या पद्धतीमुळे अनेकांना वेळेवर झोपायला मदत झाली. रोज संध्याकाळी ४५ ते ६० मिनिटे चाला. थकवा तुम्हाला लवकर झोपायला मदत करेल आणि तुम्ही सकाळी लवकर उठू शकाल.
सकाळीच तुमची आवडती पहिली गोष्ट करा
जर तुम्हाला सकाळी उठताना त्रास होत असेल तर हा उपाय तुम्हाला नक्कीच मदत करेल. अनेकदा प्रयत्न केला आहे. सकाळी उठल्यानंतर मी आवडीचे पहिले काम करेन हे तुमचे ध्येय ठेवा. जसं तुम्हाला मूव्ही तिकिटस् बुक करायची आहेत किंवा तुमची आवडती वस्तू ऑनलाइन ऑर्डर करायची आहे, तसेच हे काम तुम्ही सकाळी उठल्यानंतर करा. यामुळे तुम्हाला रात्री वेळेवर झोपण्याची प्रेरणा मिळेल आणि तुम्ही आनंदाने सकाळी लवकर जागे व्हाल. आहे की नाही भारी आयडिया.
उठल्यानंतर तासाभरात काही खा
तुम्हाला हे ऐकून विचित्र वाटेल, पण सकाळी उठल्यापासून १ तासाच्या आत नाश्ता केला तर शरीरात ऊर्जा येते आणि सकाळी झोप येत नाही. सकाळी उठणे आणि नाश्ता यामध्ये जास्त अंतर ठेवू नका.
काही लोकांना मॉर्निंग सिकनेस असतो, त्यामुळे सकाळी उठल्यानंतर त्यांना डोकेदुखी, थकवा, मळमळ, अस्वस्थता यासारखी लक्षणे जाणव तात. हे टाळण्यासाठी सकाळी उठल्यानंतर तासाभरात नाश्ता करायला सुरुवात करा आणि ही पद्धत तुम्हाला सकाळी ऊर्जा देते.
अलार्म दूर ठेवा
जर तुम्हाला सकाळी लवकर उठायचं असेल, तर तुम्ही ही पद्धत वापरून पाहू शकता. ही पद्धत इंटरनेटवर खूप लोकप्रिय आहे. जेव्हा तुम्ही सर्च कराल की, सकाळी लवकर कसं उठायचं तेव्हा तुम्ही अलार्म दूर ठेवा अशी ट्रिक दिसेल.
आपण सर्वजण सकाळी लवकर उठण्यासाठी अलार्म घड्याळ वापरतो, परंतु तरीही आपल्याला उठता येत नाही कारण फोन किंवा जवळ असलेल्या अलार्ममुळे आपण ते सहजपणे बंद करतो आणि झोपी जातो. ही सवय बदला. रात्री अलार्म घड्याळ किंवा मोबाईल स्वतःपासून दूर ठेवून झोपा. असे केल्याने तुम्हाला स्वतः अलार्म बंद करण्यासाठी जावे लागेल आणि यामुळे तुम्हाला सकाळी उठायला मदत होईल.
लवकरच हिवाळा येत आहे. थंडीत सकाळी लवकर उठणे आणखी कठीण होऊन बसते, त्यामुळे आतापासूनच तुमची सवय बदलण्याचा प्रयत्न सुरू करा. तुम्ही रात्री जितक्या लवकर झोपाल तितकेच लवकर सकाळी उठाल हे लक्षात ठेवा.
