शारीरिक आणि मानसिक ताण कमी करण्यासाठी शिरोधारा थेरपी फायदेशीर आहे. जाणून घ्या काय आहे शिरोधार थेरपी आणि त्याचे फायदे.
शिरोधारा थेरपी एक प्राचीन उपचार
तुम्ही कधी शिरोधारा थेरपी ऐकली आहे का? आयुर्वेदात ही थेरपी शारीरिक आणि मानसिक ताण कमी करण्यासाठी वापरली जाते. शिरोधारा हा आयुर्वेदीय पंचकर्म उपचारांचा भाग आहे. शिरोधारा ह हे तणाव आणि थकवा दूर करण्यासाठी एक आयुर्वेदिक तंत्र आहे. यामुळे थकवा दूर होतो आणि आपल्याला रोजचं आयुष्य अगदी फुलासारखं आनंदी व्हायला मदत होते.
यामध्ये जाणकार व्यक्तीकडून औषधी तेल किंवा तूप डोक्यावर टाकले जाते, त्यामुळे मानसिक तणाव असेल तर लगेच आराम मिळतो. मानसिक ताणतणावाने त्रस्त असलेले रुग्ण अनेकदा त्यांचा ताण कमी करण्यासाठी या थेरपीचा वापर करतात.
आयुर्वेदात, तणाव असेल तेव्हा शिरोधार थेरपी घेणे खूप फायदेशीर मानले जाते. ही थेरपी वात, पित्त आणि कफ या तीनही दोषांना शांत करण्यात मदत करते. डोकेदुखी आणि मायग्रेनच्या समस्येवरही हे फायदेशीर आहे.
ह्या थेरपीचे फायदे जाणून तुम्हालाही ही थेरपी घ्यायला आवडेल. पण तुम्ही ते घरी करू शकता का? ह्या थेरपीचे इतर फायदे काय आहेत? आणि ती कशी केली जाते? चला ह्या लेखातून वाचूया.
शिरोधारा थेरपी म्हणजे काय आणि ते करण्याचे फायदे डॉक्टरांकडून जाणून घ्या
शिरोधारा थेरपी म्हणजे काय?
मानसिक समस्यांवर मात करण्यासाठी शिरधारा थेरपी फायदेशीर आहे. भारतात 5000 वर्षांपासून शिरोधारा सुरू आहे. हे आयुर्वेदाचे खूप जुने आणि व्यापक तंत्र आहे. शिरोधारा हा शब्द शिरो (डोके) आणि धारा (प्रवाह) या संस्कृत शब्दांपासून बनला आहे.
हा पंचकर्मातील एक टप्पा आहे. शिरोधारामध्ये आयुर्वेदिक औषधी वनस्पतींपासून बनवलेले तेल वापरले जाते. यासाठी तूप किंवा दूधही वापरता येईल. मानसिक शांतता, प्रसन्नता आणि मन स्थिर राखण्यासाठी हा उपाय केला जाते.
शिरोधारामुळे नैराश्य आणि तणाव दूर व्हायला मदत होते. एखादी व्यक्ती आयुष्यात कितीही टेन्शन मध्ये असेल तरीही ह्या उपायाने ती हलकी फुलकी आणि आनंदी बनते.
शिरोधारा थेरपी कशी करावी?
शिरोधारा थेरपी करण्यासाठी औषधी तेल किंवा तूप वापरले जाते. हे करण्यासाठी, तेल, दूध किंवा तूप एका भांड्यात किंवा घन धातूच्या भांड्यात भरले जाते. मग त्या व्यक्तीला सरळ झोपवले जाते. पात्रात भरलेले तेल किंवा तूप व्यक्तीच्या दोन भुवयांमध्ये एका विशिष्ट गतीने ओतले जाते.
यामध्ये व्यक्तीच्या आजार आणि प्रकृतीनुसार औषधी तेलाचा वापर केला जातो. यामुळे मनाला थंडावा मिळतो, तसेच मानसिक शांतीही मिळते. आयुर्वेदाच्या ह्या थेरपीने तणाव मुळापासून दूर करता येतो.
घरी करता येईल का?
डॉक्टर सांगतात की हे घरी करणे टाळा. कारण शिरोधारा थेरपी घेताना अनेक वेळा माणसाला चक्कर येते आणि उच्च रक्तदाब होतो. अशा परिस्थितीत, डॉक्टरांच्या देखरेखीखाली हे करणे चांगले आहे.
जर तुम्ही मानसिक तणावाने त्रस्त असाल तर शिरोधारा थेरपी घेणे तुमच्यासाठी फायदेशीर ठरू शकते, परंतु ती घरी घेणे टाळा आणि आयुर्वेद डॉक्टरांच्या देखरेखीखाली करा.शिरोधारा थेरपी घरी करता येते का? तर नाही. ती पंचकर्म सेंटर मध्ये केली जाते.
शिरोधारा थेरपीचे फायदे
शिरोधार थेरपी मानसिक आणि शारीरिक ताण कमी करायला मदत करते. शिरोधारा दीर्घकालीन डोकेदुखी, मायग्रेन आणि निद्रानाशाची समस्या दूर करण्यासाठी सुध्दा उपयुक्त आहे. शिरोधारा उपचार केल्याने मानसिक शांती मिळते आणि मन शांत राहतं. ही प्राचीन आयुर्वेदीय पद्धत मानेच्या वरच्या सर्व अवयवांसाठी फायदेशीर आहे.
- शिरोधारामुळे तणाव दूर होतो.
- मायग्रेनची समस्या दूर करण्यासाठी हे उपयुक्त आहे.
- मन एकाग्र करते.
- याच्या मदतीने निद्रानाशाच्या समस्येवरही मात करता येते.
- अस्वस्थता, चिडचिड आणि मूड स्विंगमध्ये खूप फायदेशीर आहे.
जर तुम्ही मानसिक आजारांनी त्रस्त असाल तर शिरोधारा थेरपी तुमच्यासाठी फायदेशीर ठरू शकते. परंतु आपण ती फक्त तज्ञांच्या देखरेखीखालीच केले पाहिजे. शिरोधारा अनेक समस्यांमध्ये फायदेशीर आहे, तुम्हीही त्याचा लाभ घेऊ शकता. आजच खात्रीशीर पंचकर्म सेंटर मध्ये डॉक्टरांशी संपर्क साधा.