पोटातील जंत केवळ मुलांमध्येच नाही तर प्रौढांमध्येही होऊ शकतात. अशा स्थितीत शरीरात विविध प्रकारची लक्षणे दिसू लागतात. मुले अनेकदा पोटदुखीची तक्रार करतात. मुलांमध्ये ओटीपोटात दुखण्याचं एक प्रमुख कारण म्हणजे आतड्यांमध्ये होणारं इन्फेक्शन.जो बहुतेक पोटातील जंतांसारख्या आतड्यांवरील परजीवीमुळे होतो. पण हा जंत होण्याचा त्रास मुलांसोबत वडिलधाऱ्यांनाही होतो.
ह्यात नुकसान कारक गोष्ट म्हणजे जंत आपल्या आतड्यात राहतात आणि आपल्या शरीराचं पोषण खातात. आपल्या शरीरात विविध प्रकारचे आतड्यांतील जंत असतात ज्यामुळे इन्फेक्शन होऊ शकतो, परंतु सर्वात सामान्य म्हणजे टेपवर्म्स, राउंडवर्म्स, पिनवर्म्स किंवा थ्रेडवर्म्स आणि हुकवर्म्स. या सर्व प्रकारच्या पोटातील जंतांमुळे शरीरात अनेक लक्षणे दिसून येतात. त्यांच्याबद्दल जाणून घेऊया.
पोटातील जंतांमुळे
आतड्यांसंबंधी जंत आतड्यांच्या वॉलवर, पचनमार्गाशी निगडीत मार्गामध्ये असतात. पोटातील जंतांमुळे खूप त्रास होतो आणि त्यामागे खालील गोष्टी आहेत.
पोटात जंत होण्याची कारणे आणि कमी करण्यासाठी घरगुती उपाय
पोटात जंत होतात कारण,
- कमकुवत रोगप्रतिकार
- कमी शिजलेले मांस खाणे
- खराब स्वच्छता
- दूषित पाणी पिणे
- संक्रमित अन्न खाणे
पोटातील जंत झाल्याचं ओळखा ह्या लक्षणांनी
गुदाशयामध्ये खाज सुटणे
पिनवर्म संसर्ग हा आतड्यांतील जंत आहे आणि जगभरातील सर्वात सामान्य संसर्ग आहे. ते पांढरे, सडपातळ आहेत आणि त्यांची लांबी सुमारे एक इंच आहे. ज्या लोकांना पिनवर्म्स असतात त्यांच्या गुदाशयात खाज सुटते. वास्तविक, पिनवर्म हे सूक्ष्म अंडी असतात आणि वाढू लागतात आणि गुदाशयापर्यंत पोहोचतात आणि त्यामुळे खाज सुटते.
सतत मळमळ आणि उलट्या
व्हिपवर्म हा परजीवीमुळे होणारा मोठ्या आतड्याचा इन्फेक्शन आहे. विष्ठा किंवा पाणी पिण्यामुळे आणि दूषित घाणामुळे इन्फेक्शन होतं. खराब स्वच्छता नसलेल्या भागात राहणाऱ्या मुलांमध्ये आणि लोकांमध्ये हे जास्त होतं. जे लोक उष्ण किंवा दमट हवामानात राहतात त्यांना देखील व्हिपवर्म इंजेकशन होऊ शकतं. ह्यामुळे लोकांना मळमळ आणि उलट्या होऊ शकतात.
जास्त दात चावणे
टेपवर्म हा देखील पोटातील जंताचा एक प्रकार आहे ज्यामुळे संसर्ग होऊ शकतो. हे जंत शरीराचं पोषण खायला सुरुवात करतात. ज्यामुळे शरीरात अशक्तपणा सुरू होतो आणि यामुळे लोक जास्त दात चावू लागतात. त्यामुळे अनेकवेळा जर कोणी दात जास्त चावत असेल तर त्यांनी जंताचं औषध घ्यावं.
अचानक वजन कमी होतंय
अचानक वजन कमी होण्यामागे अनेक कारणं असू शकतात, त्यापैकी एक म्हणजे पोटात झालेले जंत. पोटात जंत असतात तेव्हा ते तुम्ही खाल्लेलं अन्न खातात. हे जंत तुमचं पोषण चोरतात आणि त्यामुळे तुम्ही अशक्त आणि बारीक होऊ लागता आणि अचानक वजन कमी होऊ लागतं.
स्टूलमध्ये पांढरे ठिपके
पोटात जंत जास्त वाढले की मलामध्ये पांढऱ्या ठिपक्यांसारखं काहीतरी येऊ लागतं. हे स्टूलमधील रक्तासारखच असतं. अशा परिस्थितीत तुम्ही ताबडतोब डॉक्टरांशी संपर्क साधावा.
अशक्तपणा आणि डोकेदुखी
अशक्तपणा आणि डोकेदुखी अनेक कारणांमुळे असू शकते परंतु काहीवेळा ते पोटातील जंतांमुळे देखील असू शकते. वास्तविक, पोटातील जंत तुमच्या शरीराचे पोषण म्हणजेच सूक्ष्म पोषक घटक खातात, ज्याच्या अभावामुळे अशक्तपणा आणि डोकेदुखी होऊ शकते.
त्यामुळे पोटात जंत असल्यास, ही लक्षणे शरीरात दिसतात, त्यामुळे त्याकडे दुर्लक्ष करू नका. डॉक्टराlआणि योग्य उपचार करा. तसेच, ज्या कारणांमुळे पोटात जंत होतात ते कारण टाळा.
