यूरिक ॲसिड हा शरीरात आपण खालेल्ल्या अन्नाद्वारे तयार होणारा कचरा आहे, ज्याच्या वाढीमुळे अनेक गंभीर समस्या उद्भवू शकतात. शरीरात युरिक ॲसिड चे प्रमाण वाढले तर सांधेदुखी, किडनीचे त्रास, सांधेदुखी, सूज असे त्रास होऊ शकतात. यूरिक ॲसिड हाडांच्या सांधे आणि ऊतींमध्ये जमा होते.
जेव्हा अन्नामध्ये असलेल्या संयुगांपासून शरीरात यूरिक ॲसिड जास्त प्रमाणात तयार होते, तेव्हा आपली किडनी ते योग्यरित्या फिल्टर करू शकत नाही. तेव्हा शरीरात यूरिक ॲसिड वाढल्याची लक्षणे दिसल्यास टेस्ट करणं महत्त्वाचं आहे. आज जाणून घेऊया, यूरिक ॲसिड टेस्ट म्हणजे काय आणि कोणत्या लोकांसाठी युरिक ॲसिड टेस्ट आवश्यक आहे?
युरिक ॲसिड टेस्ट म्हणजे काय?
शरीरात युरिक ॲसिड चं प्रमाण वाढल्यावर डॉक्टरांच्या देखरेखीखाली युरिक ॲसिड टेस्ट केली जाते. ह्या टेस्टद्वारे तुमच्या रक्तात युरिक ॲसिड चं प्रमाण किती आहे हे कळतं. माहितीसाठी, आम्ही तुम्हाला सांगतो की शरीरात प्युरीन नावाच्या केमिकलचं प्रमाण वाढलं की यूरिक ॲसिड वाढतं.
युरिक ॲसिड चं प्रमाण वाढल्याने किडनी स्टोनचा धोकाही कायम राहतो. ब्लड टेस्ट करून शरीरातील युरिक ॲसिड तपासलं जातं. यूरिक ॲसिड टेस्टला सीरम यूरेट किंवा यूरिक ॲसिड लेव्हल टेस्ट असही म्हणतात. संधिवात, स्टोन समस्या आणि कर्करोग यांसारख्या परिस्थितींमध्ये डॉक्टर देखील यूरिक ॲसिड टेस्ट करण्याचा सल्ला देतात.
यूरिक ॲसिड टेस्ट कधी करावी?
शरीरातील युरिक ॲसिड ची पातळी जाणून घेण्यासाठी युरिक ॲसिड टेस्ट केली जाते. तुमच्या शरीरात यूरिक ॲसिड वाढल्याची लक्षणे आढळल्यास, तुमचे डॉक्टर ही टेस्ट करायला सांगू शकतात. याशिवाय खालील परिस्थितींमध्ये युरिक ॲसिड टेस्ट करणे आवश्यक आहे.
- पाय आणि सांध्यामध्ये तीव्र वेदना
- सुजलेली बोटं
- टाच दुखणे
- लघवी करताना त्रास होणे किंवा वारंवार लघवी होणे
- लघवी करताना जळजळ
- तीव्र पाठदुखी
- किडनी निकामी होणे
- ल्युकेमिया आणि सोरायसिसच्या समस्येमध्ये
- केमोथेरपी किंवा रेडिएशन थेरपी नंतर
- किडनी स्टोन असल्यास
यूरिक ॲसिड टेस्ट संबंधित खबरदारी
शरीरात यूरिक ॲसिड ची पातळी वाढल्यास अनेक समस्या उद्भवू शकतात. ज्या लोकांमध्ये यूरिक ॲसिड चं प्रमाण जास्त काळ आहे त्यांना हृदयविकाराचा झटका किंवा पक्षाघात यांसारख्या समस्या देखील होऊ शकतात.
त्यामुळे योग्य वेळी डॉक्टरांचा सल्ला घेतल्यानंतर युरिक ॲसिड ची चाचणी करणे आवश्यक आहे. युरिक ॲसिड टेस्ट करण्यापूर्वी आणि नंतर या गोष्टी लक्षात ठेवा.
- यूरिक ॲसिड टेस्टपूर्वी 4 तास काहीही खाऊ नका.
- तुम्ही कोणतेही औषध घेत असाल तर त्याबद्दल डॉक्टरांना नक्की सांगा.
- टेस्टपूर्वी अल्कोहोल पिऊ नका.
- टेस्टनंतर इंजेक्शन साइट पूर्णपणे स्वच्छ करा.
पुरुष आणि स्त्रियांमध्ये यूरिक ॲसिड ची लेव्हल वेगवेगळी असू शकते. पुरुषांच्या रक्तातील यूरिक ॲसिड ची सामान्य पातळी 7 mg/dL पेक्षा कमी असते, तर स्त्रियांमध्ये 6 mg/dL ही सामान्य श्रेणी मानली जाते.
आहार आणि आरोग्याच्या स्थितीनुसार ही श्रेणी लोकांमध्ये भिन्न असू शकते. शरीरातील युरिक ॲसिड ची लेव्हल वाढल्यास डॉक्टरांच्या सल्ल्यानंतर युरिक ॲसिड ची टेस्ट करणे आवश्यक आहे.
