ताक पिण्याने अनेक आरोग्य फायदे मिळतात, परंतु जेवणानंतर ताक पिणे अधिक फायदेशीर ठरू शकते. जेवणानंतर ताक प्यायल्याने हे फायदे मिळतात. पण ताक दिवसभरात केव्हा प्यावं? ताक पिणे आरोग्यासाठी खूप फायदेशीर आहे. आरोग्य तज्ज्ञांच्या मते, जर तुम्ही रोज एक ग्लास ताक प्यायलात तर ते तुम्हाला निरोगी तर ठेवेलच पण अनेक गंभीर आजारांचा धोकाही कमी करेलशरीरातील उष्णता कमी करण्यासाठी आणि थंड राहण्यासाठी ताक खूप फायदेशीर आहे.
ताक प्यायल्याने शरीराला आवश्यक पोषण मिळतं, कारण ताकात कॅल्शियम, लोह, जस्त आणि पोटॅशियम यांसारखी जीवनसत्त्वे आणि खनिजे सोबत अ, ब, क आणि ई जीवनसत्त्वे असतात. दुपारी ताक पिणे फायदेशीर मानले जाते. बरेच लोक ताक थेट किंवा जेवणासोबत खातात.
पण तुम्हाला माहिती आहे का, जेवणानंतर 5 ते 10 मिनिटांनी ताक प्यायल्यास त्याचे अनेक आरोग्य फायदे मिळू शकतात. जेवणासोबत ताक पिण्यापेक्षा जेवणानंतर काही वेळाने ताक पिणे जास्त फायदेशीर आहे. या लेखात वाचा,जेवणानंतर ताक पिण्याचे फायदे जेवणानंतर ताक पिण्याचे फायदे
शरीर डिटॉक्सिफाय करेल ताक
जेवणानंतर ताक सेवन केल्याने अन्नाचे पचन चांगले होते आणि त्याचे उर्जेमध्ये रूपांतर होते, कारण त्यात रिबोफ्लेविन असते. हे तुमचे यकृताचे कार्य सुधारते, जे शरीरातील विषारी पदार्थ बाहेर टाकण्यास मदत करते.
पोट फुगत नाही
अनेकांना जेवणानंतर पोट फुगण्याची समस्या असते. ताक खाल्ल्याने पोटातील गॅस आणि फुगणे कमी होण्यास मदत होते आणि फुगण्यापासून सुटका मिळते.
बद्धकोष्ठतेचा त्रास होत नाही
अन्नाचे योग्य पचन न झाल्याने बद्धकोष्ठतेची समस्या उद्भवते. जेवणानंतर ताक सेवन केल्यास पचनक्रिया सुधारण्यास मदत होते. ताक प्यायल्याने आतड्यात निरोगी बॅक्टेरिया वाढतात, ॲसिडिटीपासून मुक्ती मिळते आणि बद्धकोष्ठता टाळते.
बीपी नियंत्रित राहिल
जेवणानंतर ताक प्यायल्याने खराब कोलेस्ट्रॉल कमी होण्यास मदत होते. तसेच ताकामध्ये बायोएक्टिव्ह प्रोटीन असते, जे रक्तदाब नियंत्रित ठेवण्यास मदत करते.
पौष्टीक
जेवणानंतर ताक प्यायल्यास अन्नातील पोषक तत्व चांगल्या प्रकारे शोषले जातात. त्यामुळे शरीराला पुरेसे पोषण मिळते आणि शरीरात पोषक तत्वांची कमतरता भासत नाही.
हे लक्षात ठेवा बरं कां!
ताकाचे आरोग्य फायदे मिळवण्यासाठी दुपारच्या जेवणानंतर ताक पिणे सर्वात फायदेशीर आहे. रात्रीच्या जेवणानंतर आणि न्याहारीनंतर ताक पिणे टाळा, कारण ताकाचा थंड प्रभाव असतो आणि या काळात तुमची पचनशक्ती कमकुवत होते. या काळात ताक प्यायल्यास शरीरात कफ वाढू शकतो.
