दूध पिण्याचे फायदे आपण ऐकले आहेतच. बरेचदा लोक पोळी आणि दूध वेगवेगळं खातात किंवा पितात. पण दुधात मिसळून पोळी खाऊ शकता. दुधारतून पोळी खाण्याचे फायदे बरेच आहेत.
रात्री दुधासोबत पोळी खाल्ल्याने शरीराला हे फायदे होतात
पोळी किंवा चपाती रोजच्या जेवणात असतेच. आपण सर्वजण पोळी खातो. बहुतेक लोक दुपारच्या आणि रात्रीच्या जेवणात पोळी खातात. काही लोक भाजीसोबत पोळी खातात, तर काहींना मसूरबरोबर पोळी खायला आवडते. याशिवाय मुले चटणी, जाम इत्यादींसोबत पोळी खातात. काही लोक चहा किंवा कॉफीसोबत पोळी खातानाही दिसतात.
पण तुम्हाला माहीत आहे का की बऱ्याच फायद्यांसाठी आपण पोळी दुधासोबतही खाऊ शकतो. विशेषतः रात्री दुधासोबत पोळी खाणे खूप फायदेशीर आहे. अनेकदा लोक विचार करतात की, दूध आणि पोळी खाणं कसं फायदेशीर ठरू शकतं?
पोषक आणि पूरक
जर तुमच्या शरीरात जीवनसत्त्वे, खनिजे, प्रथिने किंवा कॅल्शियमची कमतरता असेल तर तुम्ही रात्रीच्या वेळी पोळी आणि दुध खाऊ शकता. रोज रात्री दुधासोबत पोळी खाल्ल्याने सर्व आवश्यक पोषक तत्व मिळू शकतात. दूध आणि पोळी खाल्ल्याने जीवनसत्त्वे, कॅल्शियम, लोह आणि प्रोटीन्स सारखे पोषक घटक मिळतात. म्हणूनच दूध आणि पोळी खाणे आरोग्यासाठी फायदेशीर आहे.
पोटाच्या समस्यांपासून आराम
आजकाल बहुतांश लोकांना पोटापाण्याच्या समस्यांमुळे त्रास होतो. बद्धकोष्ठता, अपचन आणि गॅससारख्या पोटाशी संबंधित समस्या तुम्हालाही भेडसावत असतील, तर दूध आणि पोळी एकत्र खाणे तुमच्यासाठी फायदेशीर ठरू शकतं.
पोट निरोगी ठेवण्यासाठी तुम्ही रोज रात्री दुध पोळी खाऊ शकता. रात्री दुध पोळी खाल्ल्याने बद्धकोष्ठता, जुलाब आणि आम्लपित्त कमी होतं. यासोबतच दूध आणि पोळी खाल्ल्याने पोटफुगत असेल तर थांबतं.
टेन्शन कमी करा
दिवसभर काम केल्यावर जर तुम्ही अनेकदा ताण घेत असाल किंवा तुम्हाला रात्री टेन्शन येत असेल तर दुध आणि पोळी खाणे फायदेशीर ठरू शकतं. रात्री दूध आणि पोळी खाल्ल्याने ताण तणाव कमी होतो. दूध आणि पोळी खाल्ल्याने आराम होतो, तणाव कमी होतो आणि झोपही चांगली लागते. दूध आणि पोळी ह्यांचं मिश्रणही आतड्यांसाठी फायदेशीर आहे.
थकवा आणि अशक्तपणा दूर करा
जर तुम्हाला अनेकदा अशक्तपणामुळे थकवा जाणवत असेल, तर तुम्हाला पौष्टीक अन्न खाण्याचा सल्ला दिला जातो. तुम्हाला हवं असल्यास थकवा आणि अशक्तपणा दूर करण्यासाठी तुम्ही दुध आणि पोळी खाऊ शकता. रोज रात्री दूध आणि पोळी खाल्ल्याने तुम्हाला शक्ती मिळेल आणि थकवा दूर होईल.
वजन वाढत नाही तर
वजन वाढवण्यासाठी अनेकदा रात्री दूध पिण्याचा सल्ला दिला जातो. जर तुम्ही रात्री दुधात मिसळून पोळी खाल्ल्यास तुमचं वजन झपाट्याने वाढतं. त्यामुळे कृश व अशक्त लोकांनी रात्री रोज दूध आणि पोळी खावी. यामुळे तुम्हाला पुरेशा कॅलरीज, फॅट आणि कार्ब्स मिळतील, ज्यामुळे वजन वाढण्यात मदत होईल.
दुधासोबत पोळी अशी खा
तुम्ही पोळी आणि दूध एकत्र करून खाऊ शकता. ह्यासाठी तुम्ही एक ग्लास दूध गरम करा. त्यात १-२ पोळ्या कुस्करून मिक्स करा. पोळी काही वेळ दुधात भिजत ठेवा, म्हणजे पोळी दूध चांगलं शोषून घेते. यानंतर, आपण दूध हळूहळू चावत खाऊ शकता. रात्री दूध आणि पोळी खाणं फायदेशीर आहार आहे. निरोगी आणि रोगांपासून मुक्त राहण्यासाठी तुम्ही रात्री दुधात मिसळून पोळी खाऊ शकता.
