हिरड्या सैल होऊन चालणार नाही कारण ज्याच्या हिरड्या बळकट त्याचे दात दणकट! दात दुखायला लागले की काही सुचत नाही. म्हणून हिरड्यांची काळजी घ्यायलाच हवी. हिरड्या सैल होणे किंवा हिरड्या हलणे दातांसाठी हानिकारक असू शकते. पण डॉक्टरांकडे जाण्याआधी काही घरगुती उपायांमुळेही हिरड्या मजबूत होतात.
दातांच त्रास बहुतेक लोकांसाठी असतो. कारण जेव्हा आपण अन्न खातो तेव्हा दात ते अन्न चघळण्यात आणि तोडून खायला महत्वाची भूमिका बजावतात. अशावेळी दात व्यवस्थित ठेवणे गरजेचे असते. दात निरोगी ठेवण्यासाठी चांगल्या हिरड्या आवश्यक आहेत.
जर हिरड्यांच्या ऊती आणि हाडांना संसर्ग झाला तर एखाद्या व्यक्तीला हिरड्याची समस्या पीरियडॉन्टायटीस होऊ शकते. अशावेळी ह्या समस्येमुळे हिरड्या सैल होऊ लागतात आणि हिरड्या दातांपासून दूर जाऊ लागतात. ह्यावर काही घरगुती उपायांनी ही समस्या टाळता येऊ शकते.
आजचा लेख याच विषयावर आहे. आज, ह्या लेखाद्वारे, आपण पीरियडॉन्टायटीसवर म्हणजेच हिरड्या सैल होण्यावर घरगुती उपाय पाहूया जे कुणीही सहज करु शकेल.
हिरड्या सैल होणे ह्यांवर हे घरगुती उपाय करून बघा
ग्रीन टीचा वापर
ग्रीन टीचा वापर हिरड्या सैल होण्यापासून रोखू शकतो. अशा परिस्थितीत तुम्ही 1 दिवसात दोन कप ग्रीन टी पिऊन बघा. असे केल्याने फक्त आपले दातच निरोगी राहत नाहीत, तर अपल्या हिरड्या खराब होण्यापासूनही आपल्याला वाचवता येतात.
यासंदर्भातील एक संशोधन समोर आले आहे. जे सांगते की ग्रीन टी हा हिरड्यांसाठी खूप उपयुक्त घटक आहे. ग्रीन टी ऑनलाइन किंवा दुकानात सहज मिळेल. दात दुखत असतील तर हा उपाय करा.
पुदीना तेल
पेपरमिंट तेलाद्वारे हिरड्या खराब होण्यापासून रोखता येतात. पुदिना तेल तोंडाच्या आत निर्माण करणा-या सूक्ष्मजीवांची वाढ रोखायला मदत करते. अशा परिस्थितीत तुम्ही कापसाच्या माध्यमातून तोंडात हिरड्यांना पुदिन्याचे तेल लावू शकता. याशिवाय पुदिन्याचे तेल पाण्यात मिसळूनही चूळ भरून हिरड्या धुता येतात.
मीठाचा वापर
हिरड्या दुखत असतील किंवा हिरड्या सैल झाल्या असतील तर मीठ तुमच्यासाठी जीवाणूनाशक म्हणून काम करू शकते. मीठाचा वापर केवळ हिरड्यांना आलेली सूज दूर करू शकत नाही, तर ते हिरड्यांना खराब होण्यापासून वाचवू शकते. हिरड्या दुखत असतील आपण मीठाच्या पाण्याने तोंड स्वच्छ धुवू शकता.
ह्यासाठी, आपण एक कप गरम पाण्यात एक चमचा मीठ मिसळा आणि नंतर स्वच्छ धुवा. हे पाणी गिळण्याची गरज नाही हे लक्षात ठेवा. आपण हे तीन ते चार वेळा पुन्हा करू शकता. असे केल्याने दात आणि हिरड्यांच्या अनेक समस्या दूर होतात आणि दातांमधून घाणही बाहेर पडते.
कोरफड किंवा ॲलोवेरा जेल वापरा
कोरफड किंवा ॲलोवेरा जेलच्या वापराने दात आणि हिरड्यांच्या समस्याही टाळता येतात. अशा परिस्थितीत, हिरड्यांना नुकसान होण्यापासून वाचवण्यासाठी, कापसाच्याद् बोळ्याने हिरड्यांभोवती कोरफड जेल लावा. असे केल्याने पीरियडॉन्टल म्हणजेच हिरड्या सैल झाल्या असतील तर आराम मिळतो. तसेच हिरड्या बळकट होतात.
ग्रीन टी ऑईलचा वापर
ह्या तेलाचा वापर करून हिरड्या सैल होण्याच्या समस्येवरही मात करता येते. जर तुमच्या हिरड्या सैल झाल्या असतील किंवा त्या त्यांच्या जागेवरून हलत असतील तर तुम्ही ग्रीन टी ऑईलचे काही थेंब कापसावर घेऊन ते दुखत असलेल्या भागात लावू शकता. असे केल्याने हिरड्या खराब होण्यापासून वाचू शकतात.
तर हिरड्या सैल होणे ह्यावर ह्या लेखात सांगितलेले काही घरगुती उपाय हिरड्यांच्या पीरियडोंटायटीसशी संबंधित समस्या दूर करण्यासाठी खूप उपयुक्त ठरू शकतात. पण जर हा त्रास रोज वाढत असेल तर ह्या समस्येवर मात करण्यासाठी डॉक्टरांचा सल्ला घेणे आवश्यक आहे.